Харилцаа холбооны салбарт шинэ үйлчилгээ, дэвшилтэт технологиороо байнгын тэргүүлэгч Мобинет ХХК нь хэрэглэгч Та бүхэндээ интернэт утасны сүүлийн үеийн шийдэлд тулгуурласан Мобинетфон үйлчилгээгээ хэрэглэгчдээ танилцуулж байна.   

“Voice over IP” технологид суурилсан энэхүү үйлчилгээ нь интернэт сүлжээгээр дамжуулан дуудлага хийх боломжийг олгодог ба үнэ тариф, хэрэглэгдэх боломж, функцийн сонголт гэх мэт олон талаараа давуу юм.

Уламжлалт харилцаа холбоо болон телевизийн шийдлүүд бүгд IP буюу интернэт протокол дээр суурилсан шийдэл рүү чиглэн хөгжиж байна. Жишээ болгон дэлхийд тэргүүлэгч хайлтын систем Google-ийн Google Talk, интернэт утасны тэргүүлэгч Skype болон буcад Yahoo, MSN, Fring гэх мэт мессенжерүүдийг дурьдахад хангалттай.   

Мобинетфон үйлчилгээ нь интернэтийн сүлжээ ашиглан хүссэн газраасаа, хямд тарифаар компьютер, гар утас, суурин утасны алинаас ч дуудлага хийх болон хүлээн авах боломжийг олгодгоороо онцлогтой.  

Та 7575хххх дугаарыг дараах 3 хэлбэрээр ашиглаарай.

Мобинетфон Софт
Тусгайлан бэлтгэсэн Софтфон програмыг http://phone.mobinet.mn/download хаягаас татаж авч компьютертээ суулгаснаар 7575хххх дугаараараа дуудлага хийх болон хүлээн авах боломжтой болно.

Мобинетфон Мобайл
Гар утаснаасаа http://phone.mobinet.mn/download/mnpsoft.sis линкээр орж гар утсанд зориулсан програмыг суулгаснаар гар утсан дээрээ хоёр дахь дугаар буюу суурин утасны 7575хххх дугаартай болно.

Мобинетфон Суурин
Мобинетфон суурин утасны шийдэл нь уламжлалт суурин утастай адил байдлаар хэрэглэгдэнэ. Хэрэглэгчдээ АTCOM фирмийн IP суурин утсуудыг санал болгож байна.

Шинээр хэрэглэгч болохын тулд:
- Мобикомын үйлчилгээний бүх салбарууд дээр иргэний үнэмлэхтэйгээ очин бүртгүүлж шинэ дугаар авах;
- Аль нэг банкны картаа ашиглан http://www.tedy.mn вэб сайтаас онлайнаар худалдан авах боломжтой.

Үйлчилгээний талаарх дэлгэрэнгүй мэдээллийг http://phone.mobinet.mn/ сайтаас авна уу.