Азийн Манхэттэн гэгдэх Шанхай бол буман хүн бужигнасан өндөр том барилгуудтай хот боловч бахархаад байх гайхамшигтай барилга ховор гэдэг. Гэхдээ Шанхай хот бол Азийн Манхэттэн гэгддэг болохоор үзэж харах газар цөөнгүй бий.

Шанхай хотын олон улсын онгоцны буудлаас хөдлөх галт тэрэг 430 км цагийн хурдтай авч ойролцоогоор 8 минутын аялал хийдэг гэнэ. Огцом хурдтай явах уг галт тэрэгний цонхоор хот нь явж байгаа мэт сэтгэгдэл төрүүлдэг нь анх үзэж байгаа хүнд дахин сууж үзэх хүсэл үлдээдэг гэдэг.

Хотын хамгийн нэр хүндтэй гоёмсог барилгуудыг үзэхэд нэг хүн 50 юанийн хөлс төлдөг аж. Мөн Шанхай хотын музей нь Хятадын ард түмний 5000 жилийн түүхийг үзүүлдэг байна. Үзмэрүүд нь маш муу гэрэлтүүлэгтэйгээс гадна англи хэл дээрх мэдээлэл нь маш замбараагүй, уг хэллэгүүд нь ойлгомжгүй байдаг хэмээн шүүмжилдэг.

Музейн дотор хорны эсрэг эм хийдэг гэх сонирхолтой хэсэг байх ба харанхуйгаас гадна айхтар эвгүй үнэртэй гэнэ. Гэхдээ тус музейд сонирхол татах үзмэр олон байдаг аж.

Шанхайн санхүүгийн шинэ дүүрэг өмнөд этгээддээ буй Хуан Лу мөрний эргээс үзэсгэлэнтэй харагддаг аж.

Өнөөдөр Шанхайд Дэлхийн үзэсгэлэн "Expo" олон улсын үзэсгэлэн нээгдээд ажиллаж байгаа билээ. Анхны үзэсгэлэн 1951 онд Лондонд зохиогдож байсан ч дэлхийн яармаг Францаас үүдэлтэй гэдэг. Тус улс бүс нутгуудынхаа бүтээгдэхүүнүүдийг сурталчлах зорилгоор үзэсгэлэн гаргадаг болсон нь европ даяар тархаж, удалгүй олон улсын чанартай болжээ. Үүнээс хойш Экспогийн хөгжлийн түүх өнөөг хүртэл хөгжиж иржээ.

Монгол Улс Шанхайн экспод томоохон талбай эзэлсэн үзэсгэлэн гаргасан. Тус үзэсгэлэнд манай үндэсний үйлдвэрлэлийн бүтээгдэхүүнүүд тавигдаж буй бөгөөд ямаа, тэмээний ноос, ноолууран бүтээгдэхүүнүүд гадныхны нүдийг хужирлаж байгаа аж.