Сар гаруйн доод цэгт хүрээд байсан алтны ханш эргэн сэргэлээ. Мягмар гарагийн байдлаар шар металлын ханш 0.2 хувиар чангарч, олон улсын зах зээлд унци нь 1246.88 ам.доллартай тэнцсэн байна. Алтны ханш энэ сарын 6-наас тасралтгүй уруудсан юм.

Тодруулбал, энэ сарын эхээр 1300 ам.долларыг шүргэж байсан ханш эргэн уруудаж, 1240 ам.долларт хүрээд байгаа юм. Харин алттай урвуу хамааралтай ам.долларын ханш буурлаа. Голлох валютуудтай харьцах ам.долларын спот ханш “Bloomberg”-ээс тооцдог ам.долларын спот индекс 0.1 хувиар буурсан байна. Тус индекс даваа гарагт 0.4 хувиар өсөж байсан юм. Евротой харьцах ам.долларын ханш л гэхэд 0.1 хувиар дээшилж, 1.1164 нэгжид хүрсэн байна.