Азийн шилдэг дизайнер, СТА Д.Отгонжаргал шинэ жилийн баярын өмнө уламжлал болгон зохион байгуулдаг “O Couture high fashion show 2018"-аараа дахин давтагдашгүй тансаг загваруудаа толилуулах гэж байна. 

Түүний хээнцэр гоёмсог загваруудыг жил бүр хүлээдэг хэрэглэгч, үйлчлүүлэгчид болон тансаг бүтээлийг таашаадаг бүсгүйчүүд тус шоуг зорин шинэ жилийн гоёлын даашинзны чиг хандлагаа тодорхойлдог уламжлалтай болжээ. 

Өнгөрсөн жил “Garden of Eden Collection 2017” нэртэйгээр гэгээлэг зөөлөн өнгийг ашиглан  дур булаам романтик стилийг илэрхийлсэн гоёлын даашинзуудыг толилуулж байсан.

Тэгвэл энэ удаагийн цуглуулгадаа материал, гоёл чимэглэл, өнгөнд баригдалгүйгээр үндэсний элементүүд шингэсэн  Монгол Haute Couture гоёлын даашинзны цогц цуглуулга гаргажээ.

Загварын шоу хоёр хэсгээс бүрдэх бөгөөд эхнийх нь коктейль даашинзууд байх бол хоёрдугаар хэсэгтээ үндэсний хэв маяг бүхий гоёлын даашинзуудаа танилцуулах болно.

“O Couture high fashion show”  нь загварын шоунаас гадна олон хөтөлбөр үйл ажиллагааг багтаасан байдаг ба урлагийн үзүүлбэр, оройн зоог, хүрэлцэн ирсэн зочдод зориулсан бэлэгнүүд зэрэг гэнэтийн бэлэг дүүрэн байдгаараа онцлогтой юм.

Энэхүү арга хэмжээ өнөөдөр Corporate Convention Center-т 19:30 цагаас болно.

Тасалбар: 150.000 төгрөг (Захиалга авах утас: 8000-9600)

ДИЗАЙНЕР Д.ОТГОНЖАРГАЛЫН ӨНГӨРСӨН ЖИЛ ТОЛИЛУУЛСАН ГОЁЛЫН ДААШИНЗНЫ ЗАГВАРУУД