Валентины баярт зориулсан нэгэн шинэ кино дэлгэцэнд гарлаа. Америкийн романтик, инээдмийн энэхүү "Валентины өдөр" киног Герри Маршел найруулжээ. Уг кинонд хосууд валентины өдрөөр хайртыгаа баярлуулахын тулд ямар адал явдалтай учрахыг хөгжилтэйгээр харуулсан байна.

Бидний сайн мэдэх дуучин Тайлор Свифт энэ кинонд зугаа цэнгэлд дуртай нэгэн охины дүрийг бүтээсэн аж. Мөн Жессика Алба, Жулиа Робертс зэрэг Холливуудын одод ч уг кинонд тоглосон байна. Гэгээн хайрыг бэлгэдсэн энэ өдөр хайртдаа шоколад, цэцэг бэлэглэхээс өөр ямар арга байж болох талаар хөгжилтэй түүхийг өгүүлэх уг киног "New line Cinema" бүтээсэн.

Н.Гэрэлмаа http://www.niigmiintoli.mn/