2022 оны хоёрдугаар сар Африкийн цом, жүдо бөхийн их дуулгууд, Өвлийн олимп зэрэг онцлох үйл явдлуудаар дүүрэн өнгөрлөө.

Тэгвэл спорт сонирхогчдыг 2022 оны гуравдугаар сард ямар онцлох тэмцээн уралдаан, үйл явдлууд хүлээж байгааг танилцуулъя.

ПАРАЛИМП

2022.03.04. "Бээжин 2022" 13 дахь удаагийн паралимпын наадам гуравдугаар сарын 4-13-ны хооронд Бээжин хотноо болно. Уг наадамд дэлхийн 51 орны 650 орчим тамирчид зургаан спортын 78 төрлөөр өрсөлдөнө.

Манай улсаас "Сочи 2014", "Пёнчан 2018" паралимпын наадамд оролцож байсан Б.Ганболд гурав дахь наадамдаа өрсөлдөнө. Харин 2015 оноос пара цанын спортын төрлөөр хичээллэж байгаа Ц.Дашдорж болон 2012 оноос эхлэн пара уулын цанын спортын төрлийг сонгосон Б.Цэрэнпунцаг нар анх удаа энэ наадамд оролцоно.

МАРАФОН

2022.03.06. Дэлхийн марафон гүйлтийн зургаан том тэмцээний нэг Токиогийн марафон гуравдугаар сарын 6-нд болно.

Токиогийн марафоныг 2007 онд анх зохион байгуулсан бөгөөд хамгийн сүүлд 2020 онд болоход Этиопын тамирчин Бирхану Легесе түрүүлсэн. Уг марафонд ойролцоогоор 300 мянган хүн оролцдог ч 30 мянга нь бариандаа орж чаддаг байна.

ҮНДЭСНИЙ БӨХ

Гуравдугаар сард Үндэсний бөхийн дараах есөн барилдааныг зохион байгуулахаар товложээ.

1. Гуравдугаар сарын 05-нд 12:00 цагаас Увс, аймгийн Хяргас сумын харьяат, Монгол улсын начин Цэдэвийн Цэрэнхүүгийн нэрэмжит улс, аймгийн алдар цолтой 128 бөхийн барилдаан,
2. Гуравдугаар сарын 06-нд 12:00 цагаас Хэнтий аймгийн Цэнхэрмандал сумын харьяат, Монгол улсын начин Бадарчийн Батбаярын нэрэмжит АЦЦБЗалуу 256 бөхийн барилдаан,
3. Гуравдугаар сарын 12-нд 12:00 цагаас Завхан аймгийн Шилүүстэй сумын харьяат, аймгийн арслан Жамбажамцын Сүхбатын нэрэмжит аймаг, цэргийн цолтой болон залуу 256 бөхийн барилдаан,
4. Гуравдугаар сарын 13-нд 12:00 цагаас сумын цолтон болон залуу бөхчүүдийн ээлжит барилдаан,
5. Гуравдугаар сарын 17-нд 12:00 цагаас “Зэвсэгт хүчний 111 жилийн ой”-д зориулсан Улс, аймгийн алдар цолтой 256 бөхийн барилдаан,
6. Гуравдугаар сарын 19-нд 12:00 цагаас Өвөрхангай аймгийн Сант сумын "Илдэн бэйлийн хүчтэн" бөхийн холбооны нэрэмжит АЦЦБЗалуу 256 бөхийн ээлжит барилдаан,
7. Гуравдугаар сарын 20-нд 12:00 цагаас “Наурыз” баярт зориулсан Улс, аймгийн алдар цолтой 128 бөхийн барилдаан,
8. Гуравдугаар сарын 26-нд “Бахдам гарамгай” барилдаан,
9. Гуравдугаар сарын 27-нд аймаг, цэргийн начин цолтой бөхчүүдийн барилдаан тус тус болно

FORMULA 1

2022.03.18. Formula 1-ийн 72 дахь улирлын нээлтийн гараа буюу Бахрейны Гран-При тэмцээн Сахир хотын "Bahrain International Circuit" зам дээр гуравдугаар сарын 18-20-ний хооронд болно. Нисгэгчид 5.412 км урттай замыг 57 удаа тойрох учиртай.

2021 оны Бахрейны Гран-Прид Льюис Хэмилтон түрүүлж, өнгөрсөн улирлын аварга Макс Ферстаппэн удаалсан. Formula 1-ийн 71 дэх улиралд түрүүлсэн Нидерланд залуу энэ улирал амжилтаа давтах уу эсвэл үнэмлэхүй аварга Британи залуу түүх бичих үү гэдгийг харах сонирхолтой улирал эхэлнэ.

2022.03.25. Formula 1-ийн 72 дахь улирлын хоёр дахь гараа Саудын Арабын Гран-При тэмцээн "Jeddah Corniche Circuit" зам дээр гуравдугаар сарын 25-27-ны хооронд болно. Нисгэгчид 6.174 км урттай замыг 50 удаа тойрно.

2021 оны Саудын Арабын Гран-Прид Льюис Хэмилтон түрүүлж, өнгөрсөн улирлын аварга Макс Ферстаппэн удаалж байв.

УРАН ГУЛГАЛТ

2022.03.21. Уран гулгалтын дэлхийн аварга шалгаруулах тэмцээн гуравдугаар сарын 21-27-ны хооронд Францын Монпельео хотод болно. Өвлийн олимп өндөрлөөд удаагүй байхад болох тэмцээнд олимпын аварга Оросын Анна Щербакова, Америкийн Натан Чен нар аваргаа хамгаална.

ЖҮДО

2022.03.25. Жүдо бөхийн Тбилисигийн их дуулга тэмцээн Гүржийн нийслэл Тбилиси хотод гуравдугаар сарын 25-27-ны хооронд болно.

Тель Авив, Парисын их дуулгад амжилттай оролцсон Монголын баг тамирчид тус тэмцээнийг зорих бөгөөд өнгөрсөн жил тус тэмцээнээс 2 алт, 2 хүрэл медаль хүртэж байсан.

Д.БАТГЭРЭЛИЙН ТУЛААН

2022.03.26. Дэлхийн холимог тулааны хамгийн том холбоо UFC /Ultimate Fighting Championship/-тэй гэрээ байгуулсан Монголын анхны тамирчин "Шуурга" хочит Д.Батгэрэлийн тав дахь тулаанаа UFC Fightnight арга хэмжээний үеэр АНУ-ын Крис Гутерезтэй хийнэ.

"El Guapo" хочит Крис Гутерез нь UFC-д зургаан тулаан хийхдээ 5-д нь ялсан ба мэргэжлийн холимог тулааны замналдаа 17-3-2 гэсэн амжилттай. Хамгийн сүүлд 2021 оны аравдугаар сарын 9-нд Фелипе Коларесыг ялсан.

Харин Монголын тулаанч Д.Батгэрэл UFC-гийн хүрээнд сүүлийн гурван тулаандаа дараалан хүнд цохилтоор ялаад буй.

ДАШТ-ИЙ УРЬДЧИЛСАН ШАТ

"Катар 2022" Дэлхийн аварга шалгаруулах тэмцээний урьдчилсан шатны шийдвэрлэх тоглолтууд гуравдугаар сард болно.

Ази тив

Ази тивийн урьдчилсан гуравдугаар шат үргэлжилж байгаа ба нийт 12 баг хоёр хэсэгт хуваагдан тоглож байна. Хэсэг тус бүрээс хамгийн өндөр оноо авсан тус бүр хоёр баг ДАШТ-д орох эрхээ шууд авах бол гуравдугаар байрт орсон хоёр баг дөрөвдүгээр шатанд хоорондоо тоглоно.

Хэсгийн гуравдугаар байраар гарч дөрөвдүгээр шатанд өрсөлдөгчөө ялсан баг ДАШТ-д оролцох эрхийн төлөө Өмнөд Америк тивийн төлөөлөлтэй тоглоно. Одоогоор А хэсгийн төлөөлөл Иран, Өмнөд Солонгос улсууд эрхээ аваад байна.

Тоглолтын хуваарь. Гуравдугаар сарын 24.

• Австрали - Япон
• Вьетнам - Оман
• Хятад - Саудын Араб
• Ирак - АНЭУ
• Ливан - Сири
• Өмнөд Солонгос - Иран

Гуравдугаар сарын 29.

• Оман - Хятад
• Саудын Араб - Австрали
• Япон - Вьетнам
• Сири - Ирак
• АНЭУ - Өмнөд Солонгос
• Иран - Ливан

Хэсгийн хүснэгт:

Өмнөд Америк

Өмнөд Америк тивийн 10 баг нэг хэсэгт тойргоор тоглож байгаа ба хамгийн өндөр оноо авсан 4 баг ДАШТ-д оролцох эрхээ авна. Харин тавдугаар байрт орсон баг Ази тивийн төлөөлөлтэй эрхийн төлөө тоглоно. Одоогоор Бразил, Аргентины шигшээ багууд эрх авах болзлоо хангаад байна.

Тоглолтын хуваарь. Гуравдугаар сарын 24.

• Аргентин - Венесуэл
• Колумби - Боливи
• Парагвай - Эквадор
• Бразил - Чили
• Уругвай - Перу

Гуравдугаар сарын 29.

• Перу - Парагвай
• Эквадор - Аргентин
• Венесуэл - Колумби
• Чили - Уругвай
• Боливи - Бразил

Хүснэгт:

Хойд Америк

Хойд Америкийн найман баг нэг хэсэгт тойргоор тоглож буй. Хэсэгт хамгийн өндөр оноо авсан 3 баг ДАШТ-д оролцох эрхээ шууд авна. Харин дөрөвдүгээр байрт орсон баг Номхон далайн арлын орнуудаас шалгарсан багтай нэмэлт тоглолт хийж ДАШТ-ий эрх авах эсэхээ шийднэ.

Тоглолтын хуваарь. Гуравдугаар сарын 25.

• Ямайк - Эль Сальвадор
• Панам - Хондурас
• Мексик - АНУ
• Коста Рика - Канад

Гуравдугаар сарын 28.

• Канад - Ямайк
• Эль Сальвадор - Коста Рика
• АНУ - Панам
• Хондурас - Мексик

Гуравдугаар сарын 31.

• Панам - Канад
• Коста Рика - АНУ
• Мексик - Эль Сальвадор
• Ямайк - Хондурас

Хүснэгт:

Номхон далайн арлын орнууд

Номхон далайн найман улс хоёр хэсэгт хуваагдан өрсөлдөж байна. Хэсгийн шатанд хамгийн өндөр оноо авсан тус бүр хоёр баг хасагдах шатанд тоглох ба хамгийн сүүлд шалгарч үлдсэн нэг баг нь Хойд Америкийн төлөөлөлтэй ДАШТ-ий эрхийн төлөө тоглоно.

Эхний тойрог. Гуравдугаар сарын 17-19.

• Күүк арлууд - Соломон арлууд
• Таити - Вануату
• Папуа Шинэ Гвиней - Шинэ Зеланд
• Шинэ Каледони - Фижи

Хоёрдугаар тойрог. Гуравдугаар сарын 20-22.

• Күүк арлууд - Таити
• Соломон арлууд - Вануату
• Папуа Шинэ Гвиней - Шинэ Каледони
• Шинэ Зеланд - Фижи

Гуравдугаар тойрог. Гуравдугаар сарын 24-25

• Соломон арлууд - Таити
• Вануату - Күүк арлууд
• Шинэ Зеланд - Шинэ Каледони
• Фижи - Папуа Шинэ Гвиней

Африк тив

Африк тивийн урьдчилсан сүүлийн шатанд нийт 10 баг үлдсэн бөгөөд 5 эрхийн төлөө хасагдах шатны журмаар тоглоно. Багууд хоорондоо тус бүр хоёр удаа тоглож ялсан нь шууд ДАШТ-д оролцох эрхтэй болно.

Эхний тоглолт. Гуравдугаар сарын 25.

• Египет - Сенегал
• Камерун - Алжир
• Гана - Нигери
• Ардчилсан Конго - Марокко
• Мали - Тунис

Хоёр дахь тоглолт. Гуравдугаар сарын 29.

• Сенегал - Египет
• Камерун - Алжир
• Нигери - Гана
• Марокко - Ардчилсан Конго
• Тунис - Мали

Европ тив

Европ тивийн урьдчилсан шатны хэсгийн шатанд нэгдүгээр байр эзэлсэн Герман, Англи, Хорват, Нидерланд, Дани, Бельги, Франц, Швейцар, Испани, Серби улсууд ДАШТ-д оролцох эрхээ авсан. Харин сүүлийн гурван эрхийн төлөө 12 баг үлдээд байна.

Гуравдугаар сарын 25.

• Орос - Польш
• Португал - Турк
• Уэльс - Австри
• Шотланд - Украин
• Швед - Чех
• Итали - Умард Македони

Гуравдугаар сарын 30.

• Орос/Польш - Швед/Чер
• Шотланд/Украин - Уэльс/Австри
• Итали/Умард Македони - Португал/Турк