Хоёр өөр цаг үе, хоёр өөр хайр дурлалын тухай өгүүлэх “Учиртай 3” уран сайхны киноны хоёр дахь дуу үзэгч, сонсогчдын хүртээл болоход бэлэн болжээ. “Чи яг дурлал шиг” нэртэй энэ дууг “Маking the band” шоунаас шалгарсан охидын “Anemone” хамтлаг дуулсан талаар бид өмнө мэдээлж байсан билээ.  

Энэхүү дууны үгийг яруу найрагч Б.Батзаяа, аяыг “UP” мюзик продакшны продюссер Н.Халиун нар зохиосон бөгөөд клипийг “Монголфильм” студи бүтээжээ.

Дашрамд дурдахад “Учиртай 3” киноны гол дүрийг бүтээсэн загвар өмсөгч О.Амгаланбаатар БНСУ-д болсон “Manhunt International 2011” уралдаанд амжилттай оролцож шилдэг 15 сайхан залуугийн нэгээр шалгарчээ.



Нандин хайрын тухай өгүүлэх “Чи яг дурлал шиг” дууг Та ЭНД дарж сонсоно уу. Харин клипыг үзэх бол ЭНД дараарай.

Энэхүү дууг та өөрийн утасны HiTone болгохыг хүсвэл “Mobicom” –ийн хэрэглэгч 455 гэсэн дугаар руу 014552 /бадгийн хэсгээс/, 014553 /дахилт/ гэсэн кодыг илгээгээрэй. Харин "Unitel" -ийн хэрэглэгч 14551120264-т залгаж аваарай.

“Учиртай 3” уран сайхны киноны талаарх дэлгэрэнгүй мэдээллийг www.uchirtai3.mn хаягаас авч болно.

Б.Тэлмэн

Чи яг дурлал шиг дууны шүлэг
Чи бол нар шиг
Чиний өөдөөс ширтэх хэцүү
Тэгээд би нүдээ анин
Тэвчээрээ хүлээлт гээд
Тэврэхийг чинь би зөндөө хүлээдэг.
 
Чи яг бороо шиг
Чамд хүрэх үнэхээр хэцүү
Тэгээд би алгаа тосоод
Тэвчээрээ хүлээлт гээд
Тэнгэрээс над дээр унахыг чинь хүлээдэг.
 
Дахилт:
Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно
 
Нар мэт халуун дурлал минь чи
Бороо шиг тунгалаг хайр минь чи
Байгаа болохоор
Би жаргалтай

Чи яг зүүд шиг
Чамтай уулзах үнэхээр хэцүү
Тэгээд би сэрэх бүртээ
Тэвчээрээ хүлээлт гээд
Тэр л учралыг үргэлж хүлээдэг.

Дахилт:
Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно
 
Нар мэт халуун дурлал минь чи
Бороо шиг тунгалаг хайр минь чи
Байгаа болохоор
Би жаргалтай

Энэ дурлал нэг л өдөр
Бороо болж дээрээс асгарна
Солонго болоод
Тэнгэрийг чимнэ

Чи яг дурлал шиг
Нар, бороо бас зүүд шиг
Тэгээд би санаа алдаад
Хүлээлтээ итгэл гээд
Тэр л мөчүүдийг үргэлж хүлээдэг

Дахилт:
Нар мэт халуун дурлал минь чи
Бороо шиг тунгалаг хайр минь чи
Сэтгэлд минь мандаад
Зүрхэнд солонгорно
 
Нар мэт халуун дурлал минь чи
Бороо шиг тунгалаг хайр минь чи
Байгаа болохоор
Би жаргалтай