МУГЖ, Зууны манлай дуучин Б.Сарантуяа өнгөрсөн пүрэв гарагаас эхлэн “Эргэн дурсахуй” клубт тоглолт хийж байгаа билээ.

Эхний өдөр "Инээмтгий хүн", өчигдөр "Эгэл сэтгэл" тоглолтоо хийсэн бол өнөө орой "Аргагүй амраг" цомгуудын дуунуудыг дуулах юм.

Энэ үдэш цомгийнхоо 15 дуугаа дуулах бөгөөд тоглолтод уран бүтээлийн найзууд болох “Харанга” хамтлагийнхан, дуучин Л.Насанбуян оролцож, ая дуугаа өргөх гэнэ.

Тоглолт 22.00 цагаас эхлэх ба тасалбар 20 мянган төгрөгийн үнэтэй аж.