Улсын хэмжээнд 2015 оны эхний есөн сард 60514 эх амаржиж, амьд төрсөн хүүхдийн тоо 60849 болжээ. Энэ нь өмнөх оны мөн үеийнхээс амаржсан эхийн тоо 769-өөр, хүүхдийн тоо 825-аар буурсан байна.

Харин нялхсын эндэгдэл эхний есөн сард 921 болж өмнөх оноос 9-өөр өсчээ. Тав хүртэлх насандаа 123 хүүхэд эндэж, өмнөх оны мөн үеийнхээс 13 хүүхдээр буурсан байна.

Мянган амьд төрөлтөд ногдох нялхсын эндэгдэл эхний есөн сарын байдлаар 15, тав хүртэлх насны эндэгдэл 18 болсныг Үндэсний статистикийн хорооноос мэдээллээ.