- МАН-ын БАГА ХУРАЛ -

МАХН-ын гишүүд МАН-д элсэж байна

Монголын ууган нам МАН-ын ээлжит Бага хурал өнөөдөр болох билээ.

Бага хурал эхлэхээс өмнө МАН-д элсэгчдийн хэвлэлийн хурал боллоо. Тодруулбал, МАХН-ын 30 гишүүн МАН-д элсэж шууд Бага хуралд оролцох болсноо мэдэгдлээ.

МАХН-ын гишүүд ярихдаа “МАХН гэр бүлийн нам болсон учраас бид МАН-ыг сонгож байна” гэлээ.

Энэхүү хэвлэлийн бага хурлын дараагаар МАН-ын Шинэчлэлийн хороо мэдээлэл хийх юм байна.

МАН-ын Бага хурал хаалттай болох бөгөөд МАН-аас шаардлагатай бол хэвлэлийн бага хурал хийгээд явах юм байна.

С.Баяр хүрэлцэн иржээ /13.30 цаг/

МАН-ын Шинэчлэлийн хорооноос Удирдах зөвлөлдөө хандан шаардлага хүргүүлжээ.

Тус шаардлагад "Шинэчилье" нэгдсэн хөдөлгөөнөөс Бага хуралд илтгэл тавих боломж олгох, хэлэлцэх асуудлын жагсаалтад оруулах зэрэг асуудлыг тавьсан байна.

МАН-ын ирц бүрдэхгүй байгаа шалтгаанаар Бага хурал одоогоор эхлээгүй байгаа ч  Удирдах зөвлөл нь хуралдлаа.

"Шинэчилье" нэгдсэн хөдөлгөөний шаардлагыг хэлэлцсэн эсэх нь одоогоор тодорхойгүй байгаа юм.

Энэ удаагийн Бага хуралд гадаадад удаан хугацаагаар амьдарч байсан МАН-ын лидер С.Баяр оролцохоор ирсэн нь олны анхаарлыг татаж байна. 

МАН-ын Бага хурал 310 гишүүнтэй бөгөөд одоогоор 170 нь цуглаад байгаа аж. Тиймээс Бага хурлыг өнөөдрийн 15.00 цаг болгон хойшлуулсан байна.

 Ч.Болортуяа