Visa болон  MasterCard  гэсэн олон улсын төлбөрийн систем ямар нэг урьдчилсан мэдэгдэл өгөлгүйгээр “Россия” банкны үйлчлүүлэгчдийн төлбөрийг гүйцэтгэх үйлчилгээгээ зогсоожээ. Өчигдөр АНУ-ын засгийн газар “Россия” банкинд хориг арга хэмжээ авч байгаагаа мэдэгдсэн юм.

Үүний дараа олон улсын төлбөрийн системүүд ямар ч мэдэгдэл хүргүүлэлгүйгээр ийнхүү төлбөрийн гүйцэтгэлийг зогсоосон байна. “Ийм нөхцөлд үйлчлүүлэгчдэд үүсэх хүндрэлийг банкны удирдлагууд сайтар ойлгож байгаагийн дээр энэ асуудлыг шийдэх боломжтой бүх арга хэмжээг авна” гэж Россия банкны мэдэгдэлд дурджээ.

Харин Visa болон  MasterCard  гэсэн олон улсын төлбөрийн системийг ашигладаг үйлчлүүлэгчид банкнаас болон Собинбанк эсвэл Нэгдсэн тооцооны системээс мөнгөө бэлнээр нь авахад ямар нэг хүндрэл учрахгүй гэж РИА Новости мэдээллээ.