Өндөр хөгжилтэй орнуудад эмнэлгийн тусламж үйлчилгээний нэг хэлбэр болох телемедициний буюу зайн оношлогоо, эмчилгээний технологи ихээхэн хөгжсөн байдаг.

Тэгвэл манай улсад тус эмчилгээний арга зүй нэвтэрч байгаа төдийгүй телемедициний технологи ашиглан өнөөдөр анхны мэс заслыг хийсэн байна.

Улсын нэгдүгээр төв эмнэлгийн мэс заслын тасгийн эрхлэгч, хүний гавьяат эмч, Анагаах ухааны доктор Л.Амгалангийн удирдлаган дор Архангай аймгийн нэгдсэн эмнэлгийн мэс заслын тасгийн эмч Чойжилжамц, Нарантуяа нар мухар олгойн үрэвслийн хүндрэлээс үүдэлтэйгээр хэвлийн хананд зориудаар гаргасан нүх битүүлэх, гэдэс залгах мэс ажилбарыг гүйцэтгэсэн аж.

Шинэ технологи ашиглан хийсэн тус мэс засал хоёр цаг гаруй үргэжилсний эцэст амжилттай явагдаж дууссан байна.

Г.Од