Орос улс ойрын хугацаанд "Эс-500" агаарын довтолгооноос эсэргүүцэн хамгаалах систем үйлдвэрлэнэ гэж тус улсын агаарын хүчний командлагч, хошууч генерал Александер Зелин хэлжээ.
    
Газраас агаарт байгаа онох чадвартай "Эс-500" хамгаалалтын системийн үйлдвэрлэх ажил боловсруулалтын шатандаа явагдаж байгаа ч 2012 он гэхэд эцсийн байдлаараа үйлдвэрлэлээс гарах аж. "Энэ ажил явагдаж байгаа. Шинэ хамгаалалтын системийг ойрын хугацаанд танилцуулна гэж бодож байна" гэж хошууч генерал Зелин хэлжээ. 600 км зайн тусгалтай "Эс-500" систем нэгэн зэрэг 10 бай онох хүчин чадалтай бөгөөд Оросын "Эс-400", АНУ-ын "Patriot Advanced Capability-3" хамгаалалтын системээс илүү хүчин чадалтай шинэчилсэн хувилбар гэж болох юм. Шинэ хамгаалалтын систем мөн дуунаас хурдан болон баллистик байг сөнөөх чадвартай аж.
    
Оросын агаарын хүчний хүрээнд сансрын агаарын хамгаалалтын бригад байгуулж, бусад орны болзошгүй заналхийлэлтэй тэмцэхийн тулд "Эс-400", "Эс-500" хамгаалалтын системээр хангана гэж Зелин өнгөрсөн сард мэдэгдэж байжээ.

С.Отгонбаяр