1961 оноос эхлэн зохион байгуулагдах болсон "Miss international-2009" олон улсын тэмцээн өнөөг хэр нь үргэлжилсээр байгаа. Тэгвэл дэлхийд томоохонд тооцогддог тус тэмцээнд манай улс тав дахь удаагаа оролцох гэж байгаа аж. Хацар гоо охидынхоо төлөөлөл болж, эх орныхоо нэрийг олон улсын тавцанд гаргах энэхүү нэр хүндтэй эрхийг хэн бүхэн гардахгүй нь ойлгомжтой.

Энэ ч утгаараа, олон улсын тэмцээнд эх орноо төлөөлөн оролцох мисс бүсгүй шалгаруулах зорилготой "Miss Mongolia" тэмцээнийг "Шилмэл загвар" компани, "Мисс Монголиа" ассоциациас хамтран зохион байгуулах болсон билээ. Харин уламжлал ёсоор энэхүү тэмцээний эцсийн шалгаруулалтыг өнөөдөр Улсын драмын эрдмийн театрт хийхээр болсон гэнэ. Гоо сайхан, мэдлэг боловсрол, авьяас чадвараа гайхуулсан шилдэг оролцогчдоос хэн нь титмийн эзнээр тодрох бол...