Зүүн дөрвөн замын уулзвараас Офицеруудын ордны тойрог хүртэлх замын урд хэсгийн 2.3 км явган замыг шинэчлэх ажил үргэлжилж байна. Энэхүү тохижилтын ажлыг “Цагаан толгойн нуур” ХХК хийж гүйцэтгэж байна.

Мөн СХД-ийн 33 дугаар хорооны 1.6 км авто замыг шинэчлэх ажил 85 хувьтай байна. Цэргийн 05 дугаар ангийн сургалтын төвөөс Найрамдлын зам хүртэлх 1.6 км авто замыг шинэчлэх ажил 85 хувьтай үргэлжилж байна. Гүйцэтгэгчээр "Мөнхөд Ашдын зам" ХХК ажиллаж байна.

БЗД-ийн 129 дүгээр цэцэрлэгийн 150 хүүхдийн ортой өргөтгөлийн барилга угсралтын ажил 60 хувьтай байна. Тус дүүргийн 18 дугаар хороонд байрлах 129 дүгээр цэцэрлэгийн 150 хүүхдийн ортой өргөтгөлийн барилга угсралт өнөөдрийн байдлаар 60 хувийн гүйцэтгэлтэй байна.

1521 ам.метр талбай бүхий хоёр давхар барилгыг нийслэлийн төсвийн хөрөнгө оруулалтаар барьж байна гэж  НИЙСЛЭЛИЙН ХӨРӨНГӨ ОРУУЛАЛТЫН ГАЗАР мэдээлэв.