"The X-Files”, “Californication” киногоороо алдартай 65 настай Дэвид Духовни урт хугацаанд үерхсэн найз бүсгүй Моник Пендлбэрритэй гэрлэжээ.

Тэр хуримынхаа нарийн ширийн болон шинэ эхнэрийнхээ талаар их зүйл дэлгээгүй ч саяхны нэгэн ярилцлагад хөтлөгч энэ талаарх сэдвийг хөндөхөд гэрлэснээ баталсан байна.

Тэд 2017 оноос хойш болзжээ. Духовни өмнө нь 1997–2014 онд жүжигчин Тэа Леонитой гэрлэсэн ба тэд өдгөө 26 настай охин, 23 настай хүүтэй билээ.

Сүүлийн жилүүдэд Духовни ба Пендлбэрри олны анхаарлаас ихэвчлэн хол байсан ч заримдаа хамтдаа олны өмнө гардаг. 2023 онд тэд Трайбекагийн кино наадмын улаан хивсний ёслолд хамтдаа оролцсон бол мөн онд Лос Анжелест болсон “You People” киноны нээлт дээр хамтдаа ихэд халуун дулаан харагдсан.

2024 онд Духовни The Times-д нийтэлсэн нийтлэлдээ өглөөний цагийг ихэд хайрладаг талаар болон хайрын тухай өөрийн бодлоо хуваалцжээ.

Тэрээр “Өглөө эрт босох дуртай. Энэ бол миний хамгийн сайн бодож, төвлөрч, бичдэг цаг. Нар мандахыг харах би дуртай. Бас нар дээр гарч хэт халахаас өмнө ажлуудаа амжуулж чаддаг. Энэ бол надад өдрийн хамгийн үр дүнтэй цаг” гэжээ.

Эх сурвалж: Today