Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
34
- "Оюут" ордын хайгуулын сүүлийн цооногийн өрөмдөж дууслаа -
Саяхан л Эрдэнэтийн Овоо орд "сүү нь татарч буй саалийн үнээ" болсон мэт багагүй шүүмжлэл дагуулж байсан ч дахин 55 жил ашиглах нөөц тогтоож, тус ордоос холгүй 12 км зайд "Оюут" ордын хайгуулыг хийж дуусган, удахгүй уурхайн төлөвт шилжүүлэхээр болсон таатай мэдээг дуулгалаа.
"Эрдэнэт үйлдвэр" ТӨҮГ-ын "Оюут" зэсийн шинэ ордыг өчигдөр /2025.09.07/-нд нээлээ. "Оюут" ордын нөөцийг урьдчилсан дүгнэлтээр цэвэр зэсийн нөөц 1.1 сая гаруй тонн, 357 сая тонн хүдрийн нөөцтэй гэж тогтоогоод байна. Оюут зэсийн ордыг нээснээр Үндэсний баялгийн сан арвижиж, үйлдвэр дагасан Эрдэнэт хот, Орхон аймаг, Хойд бүс цаашлаад Монгол Улсын нийгэм эдийн засгийн хөгжилд том түлхэц болох юм.
"ЗЭС ХАЙЛУУЛАХ ҮЙЛДВЭРТЭЙ БОЛСНООР ДНБ 2-3 ДАХИН НЭМЭГДЭНЭ"
Монгол Улсын Ерөнхий сайд Г.Занданшатар:
Орчин үеийн технологийн дөрөвдүгээр хувьсгалын эрин үед зэс бол стратегийн чухал ашигт малтмал метал, түүхий эд болсон. Иймээс зэсийн үнэ дэлхийн зах зээл дээр өсөж, эрэлттэй байна. Хайгуул бол өвсөн дундаас зүү олохтой адил эрсдэлтэй ажил. Тиймээс 357 сая тонн хүдрийн нөөцтэй шинэ орж газрыг нээж илрүүлсэн нь Эрдэнэтийн шинэ овоотой дүйцэхүйц гэж хэлж болохоор юм.
357 сая тонн нөөц хүдэр буюу 1,1 сая тонн цэвэр зэсийн нөөцтэй энэхүү "Оюут" ордын нөөц цаашид ч нэмэгдэх бололцоотой
1968 онд анхны хайгуулыг хийж, 1978 онд "Эрдэнэт" ТӨҮГ ашиглалтад орж байсан. Урьдчилсан хайгуулыг 1986-1990 онд 21 мянган тууш метр өрөмдлөгийг хийж орхисон байсныг Эрдэнэтийн уурхай эрчимтэй хайгуул хийж, ийнхүү өнөөдөр сүүлийн өрөмдлөгөө хийж байна. Цаашлаад зэс хайлуулах үйлдвэрийг ойрын хугацаанд байгуулахаар тендерийг нь зарлах гэж байна. Учир нь зэс маш эрэлт хэрэгцээтэй стратегийн бүтээгдэхүүн болсон тул бид зэсээ хайлуулах шаардлагатай. Зэс хайлуулах үйлдвэр бол бидний хөгжлийн гүүр байх ёстой. Улс орнуудын хөгжлийн нэг багана нь гангийн үйлдвэр байсан.
Зэс хайлуулах үйлдвэр барихад нөөц чухал шаардлагатай. Аж үйлдвэрийн цогцолборт парк байгуулах газрын зэргэлдээ "Оюут" орд олдож, Эрдэнэтийн уурхай, "Оюут" ордын дунд зэс хайлуулах үйлдвэр байгуулах ажлыг Эдийн засгийн хөгжлийн яам, Уул уурхайн хүнд үйлдвэрийн яамд хянан дараагийн Засгийн газрын хуралдаанаар шийдвэрлэхээр төлөвлөж байна. Энэ бол шинэ орд газар, шинэ боломж, шинэ Оюу толгойг бий болгох боломж буюу Монгол Улсын хөгжилд чухал хувь нэмэр оруулах болно. Эрдэнэтийн уурхайн насыг 55 жилээр "уртасгасан" шинэ нөөц тогтоож, дээр нь 357 сая тонн нөөц хүдэр буюу 1,1 сая тонн цэвэр зэсийн нөөцтэй энэхүү "Оюут" ордын нөөц цаашид ч нэмэгдэх бололцоотой. Тиймээс үүнийг түшиглэсэн зэс хайлуулах үйлдвэр байгуулахад улсын ДНБ, үндэсний орлого 2-3 дахин нэмэгдэх боломжтой. Дам нөлөө, шууд нөлөө бусад салбарт ч үлэмж их юм.
"ЭРДЭНЭТ ҮЙЛДВЭР СҮҮЛИЙН 10 ЖИЛД ХАЙГУУЛД ₮176 ТЭРБУМ ЗАРЦУУЛСАН"
"Эрдэнэт үйлдвэр" ТӨҮГ-ын Ерөнхий захирал Г.Ёндон:
Зэс бол дэлхийн маш том эдийн засагтай орнуудын чухал ашигт малтмалын жагсаалтад орсон байдаг ба Эрдэнэт үйлдвэр ч мөн энэ боломжийг зүгээр өнгөрөөж болохгүй. Энэ ч утгаараа "Эрдэнэт үйлдвэр" ТӨҮГ нь 2022 онд зургаан хайгуулын тусгай зөвшөөрлийг авсан ба 2023 онд "Оюут" ордод нарийвчилсан хайгуулын ажлыг эхлүүлсэн. Ийнхүү 2025 онд хүртэл хайгуулыг үргэлжлүүлж 49 мянган м.куб өрөмдлөг хийж, өнөөдөр сүүлийн өрөмдлөгөө хийгээд дуусаж байна.
Монгол Улс зэсийн ашигт малтмалын бодлого байхгүй ч дэлхийн эдийн засагт чухал ашигт малтмалын тоонд зүй ёсоор орж буйг манай улс маш сайн ашиглах хэрэгтэй
"Эрдэнэт үйлдвэр" ТӨҮГ жилд дунджаар 15,3-20 тэрбум төгрөгийг геологи хайгуулын ажилд зарцуулж байгаа. Сүүлийн 10 жилийн хугацаанд 176 тэрбум төгрөгийг хайгуулд зарцуулжээ. Стратегийн ордын хил хязгаарын хүрээнд Эрдэнэтийн овоо, тэр дундаа төв, баруун хойд хэсгээс өөр ордууд байх магадлал маш өндөр ба дараагийн ордуудыг илрүүлэх зорилготой.
Монгол Улс зэсийн ашигт малтмалын бодлогоо хараахан гаргаагүй байгаа ч дэлхийн эдийн засагт чухал ашигт малтмалын тоонд зүй ёсоор орж буйг манай улс маш сайн ашиглах хэрэгтэй. "Эрдэнэт үйлдвэр" ТӨҮГ төрийн бодлогыг хэрэгжүүлж, хайгуулын ажлыг өрнүүлсний хүчинд "Оюут" ордыг илрүүллээ.
"ДЭЛХИЙД НОГООН ХЭРЭГЛЭЭ НЭМЭГДЭХИЙН ХЭРЭЭР ЗЭС ЭРЭЛТТЭЙ БОЛСООР БАЙНА"
Уул уурхай хүнд үйлдвэрийн сайд Г.Дамдинням:
Геологийн хайгуул судалгааны ажил манай салбарт ямар их дүнтэйг энэхүү үйл явдал харууллаа. Учир нь Монгол Улсад хайгуулын тусгай зөвшөөрлийн тоо нь ашиглалтын тооноос хоёр дахин багассан. Өөрөөр хэлбэл шинэ орд газраа нээх боломжоо тэр хэмжээгээр багасгасан гэсэн үг. "Оюут" ордын хайгуулыг маш олон жилийн өмнөөс хийсээр одоо л дөнгөж уурхай болох шат руугаа шилжих гэж байна гэсэн үг.
Энгийн машинд 50 кг зэс ордог бол цахилгаан машинд 100 орчим кг зэс ашиглагддаг.
Монгол Улсын Аж үйлдвэр Эрдэс баялгийн салбарын хувьд ирэх жилүүдэд хайгуул судалгааг эрчимжүүлэх, үүний тусгай зөвшөөрлийг олон төрлөөр олгох, хөрөнгө оруулалтыг татах, олон удаагийн өрөмдлөг хийж, олон мянган ажлын байрыг бий болгох шаардлагатай байна. Монгол Улсын хувьд сүүлийн 10 жилд ирээдүйнхээ өмнө "нүгэл үйлдсэн" гэж хэлж болно. Хайгуул, судалгааны ажлын үр дүнд ирээдүйн монголчуудын цалин тэтгэмж, барилга байгууламж, боловсрол, нийгмийн баталгааг бий болгоно гэсэн үг.
Дэлхий даяар хүн амын дундаж наслалт өсөж буй. Энэ хэрээр хүмүүсийн технологийн хэрэглээ нэмэгдэж, тэр хэмжээгээр мөн эко буюу "ногоон" хэрэглээтэй болохоор тэмүүлж буй. Энгийн машинд 50 кг зэс ордог бол цахилгаан машинд 100 орчим кг зэс ашиглагддаг. Бидний хэрэглэж буй гар утас, нөүтбүүк гээд дурдвал зэс ороогүй зүйлс цөөн. Тэр хэрээр дэлхий даяар зэс өсөж байгаа ч агуулга буурдаг. Өөрөөр хэлбэл бэг тонн хүдэрт байгаа зэсийн хэмжээ буурна гэсэн үг. Тиймээс орд газруудаа хайх, олох, олборлолтоо эрчимжүүлэх шаардлагатай буйг ард иргэд ойлгоосой гэж хүсэж байна.
Хайгуулын шатанд яваа тул урьдчилсан ТЭЗҮ гарахаар зарим нарийвчилсан тоонууд тодорхой болно гэв. Мөн олборлосон хүрдээ Эрдэнэтийн бутлуур руу зөөх үү, эсвэл эндээ баяжуулах үйлдвэр барих эсэхээ шийдэж, тэр хэрээр ажиллах хүчний тоо ч тодорхой болно хэмээн "Эрдэнэт үйлдвэр" ТӨҮГ-ын Ерөнхий Геологич Д.Алтанхуяг хэлж байлаа.
- "Оюут" ордын хайгуулын сүүлийн цооногийн өрөмдөж дууслаа -
Саяхан л Эрдэнэтийн Овоо орд "сүү нь татарч буй саалийн үнээ" болсон мэт багагүй шүүмжлэл дагуулж байсан ч дахин 55 жил ашиглах нөөц тогтоож, тус ордоос холгүй 12 км зайд "Оюут" ордын хайгуулыг хийж дуусган, удахгүй уурхайн төлөвт шилжүүлэхээр болсон таатай мэдээг дуулгалаа.
"Эрдэнэт үйлдвэр" ТӨҮГ-ын "Оюут" зэсийн шинэ ордыг өчигдөр /2025.09.07/-нд нээлээ. "Оюут" ордын нөөцийг урьдчилсан дүгнэлтээр цэвэр зэсийн нөөц 1.1 сая гаруй тонн, 357 сая тонн хүдрийн нөөцтэй гэж тогтоогоод байна. Оюут зэсийн ордыг нээснээр Үндэсний баялгийн сан арвижиж, үйлдвэр дагасан Эрдэнэт хот, Орхон аймаг, Хойд бүс цаашлаад Монгол Улсын нийгэм эдийн засгийн хөгжилд том түлхэц болох юм.
"ЗЭС ХАЙЛУУЛАХ ҮЙЛДВЭРТЭЙ БОЛСНООР ДНБ 2-3 ДАХИН НЭМЭГДЭНЭ"
Монгол Улсын Ерөнхий сайд Г.Занданшатар:
Орчин үеийн технологийн дөрөвдүгээр хувьсгалын эрин үед зэс бол стратегийн чухал ашигт малтмал метал, түүхий эд болсон. Иймээс зэсийн үнэ дэлхийн зах зээл дээр өсөж, эрэлттэй байна. Хайгуул бол өвсөн дундаас зүү олохтой адил эрсдэлтэй ажил. Тиймээс 357 сая тонн хүдрийн нөөцтэй шинэ орж газрыг нээж илрүүлсэн нь Эрдэнэтийн шинэ овоотой дүйцэхүйц гэж хэлж болохоор юм.
357 сая тонн нөөц хүдэр буюу 1,1 сая тонн цэвэр зэсийн нөөцтэй энэхүү "Оюут" ордын нөөц цаашид ч нэмэгдэх бололцоотой
1968 онд анхны хайгуулыг хийж, 1978 онд "Эрдэнэт" ТӨҮГ ашиглалтад орж байсан. Урьдчилсан хайгуулыг 1986-1990 онд 21 мянган тууш метр өрөмдлөгийг хийж орхисон байсныг Эрдэнэтийн уурхай эрчимтэй хайгуул хийж, ийнхүү өнөөдөр сүүлийн өрөмдлөгөө хийж байна. Цаашлаад зэс хайлуулах үйлдвэрийг ойрын хугацаанд байгуулахаар тендерийг нь зарлах гэж байна. Учир нь зэс маш эрэлт хэрэгцээтэй стратегийн бүтээгдэхүүн болсон тул бид зэсээ хайлуулах шаардлагатай. Зэс хайлуулах үйлдвэр бол бидний хөгжлийн гүүр байх ёстой. Улс орнуудын хөгжлийн нэг багана нь гангийн үйлдвэр байсан.
Зэс хайлуулах үйлдвэр барихад нөөц чухал шаардлагатай. Аж үйлдвэрийн цогцолборт парк байгуулах газрын зэргэлдээ "Оюут" орд олдож, Эрдэнэтийн уурхай, "Оюут" ордын дунд зэс хайлуулах үйлдвэр байгуулах ажлыг Эдийн засгийн хөгжлийн яам, Уул уурхайн хүнд үйлдвэрийн яамд хянан дараагийн Засгийн газрын хуралдаанаар шийдвэрлэхээр төлөвлөж байна. Энэ бол шинэ орд газар, шинэ боломж, шинэ Оюу толгойг бий болгох боломж буюу Монгол Улсын хөгжилд чухал хувь нэмэр оруулах болно. Эрдэнэтийн уурхайн насыг 55 жилээр "уртасгасан" шинэ нөөц тогтоож, дээр нь 357 сая тонн нөөц хүдэр буюу 1,1 сая тонн цэвэр зэсийн нөөцтэй энэхүү "Оюут" ордын нөөц цаашид ч нэмэгдэх бололцоотой. Тиймээс үүнийг түшиглэсэн зэс хайлуулах үйлдвэр байгуулахад улсын ДНБ, үндэсний орлого 2-3 дахин нэмэгдэх боломжтой. Дам нөлөө, шууд нөлөө бусад салбарт ч үлэмж их юм.
"ЭРДЭНЭТ ҮЙЛДВЭР СҮҮЛИЙН 10 ЖИЛД ХАЙГУУЛД ₮176 ТЭРБУМ ЗАРЦУУЛСАН"
"Эрдэнэт үйлдвэр" ТӨҮГ-ын Ерөнхий захирал Г.Ёндон:
Зэс бол дэлхийн маш том эдийн засагтай орнуудын чухал ашигт малтмалын жагсаалтад орсон байдаг ба Эрдэнэт үйлдвэр ч мөн энэ боломжийг зүгээр өнгөрөөж болохгүй. Энэ ч утгаараа "Эрдэнэт үйлдвэр" ТӨҮГ нь 2022 онд зургаан хайгуулын тусгай зөвшөөрлийг авсан ба 2023 онд "Оюут" ордод нарийвчилсан хайгуулын ажлыг эхлүүлсэн. Ийнхүү 2025 онд хүртэл хайгуулыг үргэлжлүүлж 49 мянган м.куб өрөмдлөг хийж, өнөөдөр сүүлийн өрөмдлөгөө хийгээд дуусаж байна.
Монгол Улс зэсийн ашигт малтмалын бодлого байхгүй ч дэлхийн эдийн засагт чухал ашигт малтмалын тоонд зүй ёсоор орж буйг манай улс маш сайн ашиглах хэрэгтэй
"Эрдэнэт үйлдвэр" ТӨҮГ жилд дунджаар 15,3-20 тэрбум төгрөгийг геологи хайгуулын ажилд зарцуулж байгаа. Сүүлийн 10 жилийн хугацаанд 176 тэрбум төгрөгийг хайгуулд зарцуулжээ. Стратегийн ордын хил хязгаарын хүрээнд Эрдэнэтийн овоо, тэр дундаа төв, баруун хойд хэсгээс өөр ордууд байх магадлал маш өндөр ба дараагийн ордуудыг илрүүлэх зорилготой.
Монгол Улс зэсийн ашигт малтмалын бодлогоо хараахан гаргаагүй байгаа ч дэлхийн эдийн засагт чухал ашигт малтмалын тоонд зүй ёсоор орж буйг манай улс маш сайн ашиглах хэрэгтэй. "Эрдэнэт үйлдвэр" ТӨҮГ төрийн бодлогыг хэрэгжүүлж, хайгуулын ажлыг өрнүүлсний хүчинд "Оюут" ордыг илрүүллээ.
"ДЭЛХИЙД НОГООН ХЭРЭГЛЭЭ НЭМЭГДЭХИЙН ХЭРЭЭР ЗЭС ЭРЭЛТТЭЙ БОЛСООР БАЙНА"
Уул уурхай хүнд үйлдвэрийн сайд Г.Дамдинням:
Геологийн хайгуул судалгааны ажил манай салбарт ямар их дүнтэйг энэхүү үйл явдал харууллаа. Учир нь Монгол Улсад хайгуулын тусгай зөвшөөрлийн тоо нь ашиглалтын тооноос хоёр дахин багассан. Өөрөөр хэлбэл шинэ орд газраа нээх боломжоо тэр хэмжээгээр багасгасан гэсэн үг. "Оюут" ордын хайгуулыг маш олон жилийн өмнөөс хийсээр одоо л дөнгөж уурхай болох шат руугаа шилжих гэж байна гэсэн үг.
Энгийн машинд 50 кг зэс ордог бол цахилгаан машинд 100 орчим кг зэс ашиглагддаг.
Монгол Улсын Аж үйлдвэр Эрдэс баялгийн салбарын хувьд ирэх жилүүдэд хайгуул судалгааг эрчимжүүлэх, үүний тусгай зөвшөөрлийг олон төрлөөр олгох, хөрөнгө оруулалтыг татах, олон удаагийн өрөмдлөг хийж, олон мянган ажлын байрыг бий болгох шаардлагатай байна. Монгол Улсын хувьд сүүлийн 10 жилд ирээдүйнхээ өмнө "нүгэл үйлдсэн" гэж хэлж болно. Хайгуул, судалгааны ажлын үр дүнд ирээдүйн монголчуудын цалин тэтгэмж, барилга байгууламж, боловсрол, нийгмийн баталгааг бий болгоно гэсэн үг.
Дэлхий даяар хүн амын дундаж наслалт өсөж буй. Энэ хэрээр хүмүүсийн технологийн хэрэглээ нэмэгдэж, тэр хэмжээгээр мөн эко буюу "ногоон" хэрэглээтэй болохоор тэмүүлж буй. Энгийн машинд 50 кг зэс ордог бол цахилгаан машинд 100 орчим кг зэс ашиглагддаг. Бидний хэрэглэж буй гар утас, нөүтбүүк гээд дурдвал зэс ороогүй зүйлс цөөн. Тэр хэрээр дэлхий даяар зэс өсөж байгаа ч агуулга буурдаг. Өөрөөр хэлбэл бэг тонн хүдэрт байгаа зэсийн хэмжээ буурна гэсэн үг. Тиймээс орд газруудаа хайх, олох, олборлолтоо эрчимжүүлэх шаардлагатай буйг ард иргэд ойлгоосой гэж хүсэж байна.
Хайгуулын шатанд яваа тул урьдчилсан ТЭЗҮ гарахаар зарим нарийвчилсан тоонууд тодорхой болно гэв. Мөн олборлосон хүрдээ Эрдэнэтийн бутлуур руу зөөх үү, эсвэл эндээ баяжуулах үйлдвэр барих эсэхээ шийдэж, тэр хэрээр ажиллах хүчний тоо ч тодорхой болно хэмээн "Эрдэнэт үйлдвэр" ТӨҮГ-ын Ерөнхий Геологич Д.Алтанхуяг хэлж байлаа.
