Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын хурдан морьдын азарга насны морьд уралдлаа. 

Баянхонгор аймгийн Бууцагаан сумын харьяат, МУ-ын Алдарт уяач И.Золбоогийн хурдан халзан азарга түрүүлсэн бол Орхон аймгийн Баян-Өндөр сумын М.Бат-Эрдэнийн азарга аман хүзүүдлээ. 

Өнгөрсөн жилийн аман хүзүү азарга, энэ жил гуравт айрагдлаа. Даахитай даага байхаасаа хурдалж Төрийн наадамд гурав дахь удаагаа айрагдаж байгаа гэв. Тэр хүлэг бол Хөвсгөл аймгийн Бүрэнтогтох сумын МУ-ын алдарт уяач Б.Лхагва-Очирын уясан азарга юм. 

Айргийн гуравт – Хөвсгөл аймгийн Бүрэнтогтох сумын Б.Лхагва-Очирын хүрэн азарга
Айргийн дөрөвт – Орхон аймаг, Баян-Өндөр сумын ААУ Ч.Батжаргалын хээр азарга
Айргийн тавд – Өмнөговь аймгийн Цогтцэций сумын ААУ Б.Тогтохын халзан азарга тус тус хурдаллаа

Айрагдсан бусад азаргын мэдээллийг бид удахгүй дэлгэрэнгүй хүргэх болно.