Насанд хүрсэн 160 мянган хүний эрүүл мэнд, хөдөлгөөнийг судлаад ийм дүгнэлтэд хүрчээ. Хүн өдөрт 7000 алхам хийснээр тархи, дархлаанд эерэг нөлөө үзүүлсэн байна.
Ингэснээр олон өвчнөөс урьдчилан сэргийлж чадна.
Энэ судалгаанаас өмнө өдөрт 10 мянган алхмыг зөвлөдөг байжээ. Гэвч үүнийг баталсан судалгаа байхгүй. 1960-аад онд японы худалдаачид зар сурталчилгаандаа өдөрт 10 мянган алхмыг санал болгосон нь дэлхий даяар түгжээ. Тэд 1964 оны Токиогийн олимпын өмнө нэг төхөөрөмжийг зах зээлд гаргасан нь бидний алхмыг тоолох үүрэгтэй. Үйлдвэрлэгчид төхөөрөмжөө "Арван мянган алхам тоологч" гэж нэрлэсэн аж.
The Lancet Public Health-эрүүл мэндийн сэтгүүлд нийтэлснээр бага алхдаг хүмүүс хавдар, зүрх, сэтгэцийн өвчинд өртөх эрсдэлтэй. Харин 7000 алхмыг өдөр бүр хийвэл
- Зүрх судасны өвчний эрсдэл 25 хувиар,
- Хавдар тусах эрсдэл 6 хувиар,
- Сэтгэцийн олдмол өвчинтэй болох эрсдэл 38 хувиар,
- Сэтгэл хямрах магадлал 22 хувиар тус тус буурна.
Мөн судлаачид өдөрт 2000 болон 4000 алхам хийдэг хүмүүсийн эрүүл мэнд ихээхэн ялгаатай байсан, 7000-аас илүү олон удаа алхахад зүрхэнд үзүүлэх нөлөө нь нэмэгдээгүй тул 7000 алхам хамгийн тохиромжтой гэжээ.
Гэхдээ Дэлхийн эрүүл мэндийн байгууллага өдөрт алхах тооноос илүүтэй хугацааг чухалчилдаг. Тус байгууллага насанд хүрсэн хүн долоо хоногт хамгийн багадаа 150 минут хөнгөн дасгал хийхийг зөвлөдөг юм. Эрчимтэй дасгал хийх бол долоо хоногт 75 минут байх нь зөв гэдэг байна.
Зарим хүн дээрх судалгааны үр дүнг шүүмжилж, "Хэдийгээр 7000 алхам нь илүү бодитой сонсогдох ч хүний хөдөлгөөнийг хязгаарлаж болохгүй. Алхахаас өөр олон төрлийн спорт бий. Хүн хэдий чинээ их өдөлнө, тэр хэрээр сайн" гэжээ.
Эх сурвалж: BBC
Насанд хүрсэн 160 мянган хүний эрүүл мэнд, хөдөлгөөнийг судлаад ийм дүгнэлтэд хүрчээ. Хүн өдөрт 7000 алхам хийснээр тархи, дархлаанд эерэг нөлөө үзүүлсэн байна.
Ингэснээр олон өвчнөөс урьдчилан сэргийлж чадна.
Энэ судалгаанаас өмнө өдөрт 10 мянган алхмыг зөвлөдөг байжээ. Гэвч үүнийг баталсан судалгаа байхгүй. 1960-аад онд японы худалдаачид зар сурталчилгаандаа өдөрт 10 мянган алхмыг санал болгосон нь дэлхий даяар түгжээ. Тэд 1964 оны Токиогийн олимпын өмнө нэг төхөөрөмжийг зах зээлд гаргасан нь бидний алхмыг тоолох үүрэгтэй. Үйлдвэрлэгчид төхөөрөмжөө "Арван мянган алхам тоологч" гэж нэрлэсэн аж.
The Lancet Public Health-эрүүл мэндийн сэтгүүлд нийтэлснээр бага алхдаг хүмүүс хавдар, зүрх, сэтгэцийн өвчинд өртөх эрсдэлтэй. Харин 7000 алхмыг өдөр бүр хийвэл
- Зүрх судасны өвчний эрсдэл 25 хувиар,
- Хавдар тусах эрсдэл 6 хувиар,
- Сэтгэцийн олдмол өвчинтэй болох эрсдэл 38 хувиар,
- Сэтгэл хямрах магадлал 22 хувиар тус тус буурна.
Мөн судлаачид өдөрт 2000 болон 4000 алхам хийдэг хүмүүсийн эрүүл мэнд ихээхэн ялгаатай байсан, 7000-аас илүү олон удаа алхахад зүрхэнд үзүүлэх нөлөө нь нэмэгдээгүй тул 7000 алхам хамгийн тохиромжтой гэжээ.
Гэхдээ Дэлхийн эрүүл мэндийн байгууллага өдөрт алхах тооноос илүүтэй хугацааг чухалчилдаг. Тус байгууллага насанд хүрсэн хүн долоо хоногт хамгийн багадаа 150 минут хөнгөн дасгал хийхийг зөвлөдөг юм. Эрчимтэй дасгал хийх бол долоо хоногт 75 минут байх нь зөв гэдэг байна.
Зарим хүн дээрх судалгааны үр дүнг шүүмжилж, "Хэдийгээр 7000 алхам нь илүү бодитой сонсогдох ч хүний хөдөлгөөнийг хязгаарлаж болохгүй. Алхахаас өөр олон төрлийн спорт бий. Хүн хэдий чинээ их өдөлнө, тэр хэрээр сайн" гэжээ.
Эх сурвалж: BBC