Дэлхий даяар 180 гаруй төрлөөр исгэсэн тунгалаг, гашуун зэрэг 20 мянга гаруй нэр төрлийн шар айраг байдаг аж. Шар айраг урт хугацааны турш хүмүүсийн хэрэглэдэг хамгийн нийтлэг ундаа усны нэг байжээ. Эртний бабилончуудын баримтаас харахад МЭӨ 4300 онд шар айраг хийдэг байв. Үүнээс гадна эртний Хятад, Ассириан, Инкачууд ч шар айраг исгэдэг байсан гэсэн ул мөр байдаг юм. МЭ 1600 оны Египетийн үед 100 гаруй эмийн жоронд шар айраг хэрэглэх талаар бичсэн байжээ.

Хэдэн жилийн өмнө Английн Нью Кэстле шар айрагны үйлдвэр Египетийн хатан хаан Нефертитигийн нарны сүмээс олсон 3200 жилийн өмнөх жороор 1000 лонх "Тутанхамун" тунгалаг шар айраг исгэсэн байна. Худалдааны зорилгоор шар айргийг МЭ 1200 онд одоогийн Герман улсад анх исгэж эхэлжээ. 1506 онд Германы Пурити буву Цэвэр байдал гэдэг хууль баталж, шар айрагны найрлагад зөвхөн ус, арвай, улаан буудай, зөрөг цэцэг агуулж, исгэхийг заажээ. Шар айргийг 1605 оноос эхлэн анх лонхонд савлах болжээ.  Хамгийн эртний шар айрагны үйлдвэр Германы Мюнхен хот байгуулагджээ. 1294 онд байгуулсан шар айрагны үйлдвэрийг Преисингийн хамба зарлигаар байгуулсан байна. Лам нарын исгэсэн шар айргаар Мюнхен хот нэр хүндтэй болжээ. Харин жинхэнэ дилвзнер шар айраг Чехээс гаралтай. АНУ-ын хувьд шар айрагны анхны үйлдвэр 1623 онд Манхэттэн хотод нээлтээ хийжээ.

Чех улс шар айрагны хэрэглээ хамгийн их улсын нэг юм. Тус улсын нэг хүнд жилд 155 литр шар айраг оногддог байна. Японы үндэсний саке архи шар айрагтай хамгийн ойр төрлийн ундаа аж. Англи хэлэнд  "brewer" гэдэг үг эрэгтэй шар айраг нэрэгчийг хэлдэг бол "brewster" нь эмэгтэй хүнийг нэрлэдэг аж.