Мансууруулах төрлийн бодис биедээ авч явсан гурван залуу энэ сарын 13-ны өдөр цагдаагийнханд баригджээ. Тэд Баянзүрх дүүргийн VI хорооны нутаг дэвсгэрт явж байхдаа цагдаад шалгагдсан байна. Залуучуудын биед нэгжлэг хийхэд гурван кг орчим хатаасан каннабис өвс гарч иржээ.

Мөрдөн байцаалтын явцад залуучуудаас байцаалт авахад "Бид энэ өвсийг интернэтээс олж мэдсэн юм. Баруун хараагаас түүж авчирсан сургалтынхаа төлбөрийг олохын тулд зарах гэж явсан" хэмээн мэдүүлсэн байна. Эх сурвалжийн мэдээлснээр, хэрэгтнүүд өнгөрсөн хавар ерөнхий боловсролын арваннэгдүгээр анги төгссөн хүүхдүүд аж. Түүнчлэн цагдаагийнхны үзэж буйгаар залуучуудын энэ үйлдэл нь нэг удаагийнх биш хэмээн таамаглаж байгаа гэнэ.