Үл хөдлөх хөрөнгөө зарахдаа өмнөх үнээс нь бууруулж зарж болохгүй хуулийг эсэргүүцэж Үндсэн хуулийн цэцэд хандах тухай асуудлаар хуульч О.Батхүү мэдээлэл хийж байна.   

Тэрбээр, Эд хөрөнгийн улсын бүртгэлийн тухай хуульд өөрчлөлт оруулсан. Энэ өөрчлөлтөөр Монгол Улсын иргэд өөрийн өмчлөлийн үл хөдлөх хөрөнгийг зарж борлуулах эрхгүй болсон. Жишээ нь, Та хоёр өрөө байраа 150 сая төгрөгөөр авсан байлаа гэж бодъё. Тэр байраа хямдруулаад, 120-130 сая төгрөгөөр заръя гэвэл нэр шилжүүлэхгүй. Улсын бүртгэлийн байгууллага таны худалдан борлуулах гэрээг хүлээн авч бүртгэхгүй гэсэн үг.

Энэ хууль иргэд болон ААН-үүдэд хүндээр тусаж байна. Жишээлбэл, Дархан-Уул аймагт нэг гурилын компанийн захирал мөнгөний хэрэг гарлаа гээд компаниа хямдруулаад заръя гэтэл нэр шилжихгүй ийм нөхцөл үүссэн. Монгол Улсын иргэд өмч хөрөнгөө хэзээ, хэдээр зарахаа өөрсдөө мэдэж шийддэг баймаар байна. 

-Яагаад ийм хууль батлагдав?
-Монголд хуулийн хулгай газар авсан. Улаанбаатар хотын түгжрэл, утааг бууруулах нэрийн дор Монгол Улсын иргэн эд хөрөнгө өмчлөх, захиран зарцуулах Үндсэн хуулиар олгосон эрхийг төр засаг булааж авсан. 

Тиймээс би энэ хуулийг хүчингүй болгуулахаар Монгол Улсын Үндсэн хуулийн цэцэд мэдээлэл гаргаж байна гэв.