Хавдар судлалын үндэсний төвийн ерөнхий захирал Н.Эрдэнэхүүг ажлаас чөлөөлж буй сайдын тушаалыг Эрүүл мэндийн яамнаас томилогдсон ажлын хэсэг өнөөдөр түүнд танилцуулжээ. Тэрбээр тус эмнэлгийн захирлаар зургаан жил ажиллажээ. 

Энэ асуудлаар ХСҮТ-ийн захирал Н.Эрдэнэхүү өнөөдөр 15.00 цагт эмнэлэг дээрээ мэдээлэл хийх гэж байна. 

Захирал Н.Эрдэнэхүүг чөлөөлөх болсон шалтгааныг ЭМЯ-наас тодруулахад, Н.Эрдэнэхүү захирлыг ажлаас чөлөөлөх сайдын тушаал гарсан. Шалтгаан нь ХСҮТ-ийн захирлын албан үүргийг түр орлон гүйцэтгэгч Н.Эрдэнэхүү нь төсвийн хөрөнгөөр бараа үйлчилгээг худалдан авах ажиллагааг хууль тогтоомжийн дагуу зохион байгуулаагүй. 

Мөн төрийн үйлчилгээний байгууллагын төсвийн шууд захирагчийн сонгон шалгаруулалтаар томилогдоогүй тул 2025 оны 5-р сарын 2-ны өдөр хөдөлмөрийн гэрээг дуусгавар болгож, үүрэгт ажлаас чөлөөлсөн тушаал гарсан гэв.