Хууль зүй, дотоод хэргийн сайд О.Алтангэрэл нүүр номдоо бичлэг байршуулжээ. Тэрээр “Би сайд болсноос хойш надад дарга болмоор байна гэсэн маш их хүсэлт найз нөхдөөс маань, улс төрийн хүрээнээс ирлээ. Одоо хэдүүлээ шударга байя.Энэ байдлаа больё. Өөрийгөө хөгжүүлсэн, төрд зүтгэсэн, чаддаг хүн л ажил, албан тушаалд томилогдох ёстой. Энэ жишиг Монголын улс төрд 30 жил үгүйлэгдлээ. Үүнийг одоо эхлүүлэх цаг болсон.

Үүний жишээ болгон ЦЕГ-ын Дэд даргаар цагдаагийн хурандаа Н.Мөнхзулыг томилсон. Тэрээр цагдаа, дотоодын цэргийн байгууллагын сахилга хариуцлага, дотоод хяналт шалгалт хариуцсан Дэд даргаар ажиллана.

Энэ хүн хүний эрхийн чиглэлээр 20-иод жил хичээл зааж, албан тушаалтнуудад хэрхэн хариуцлага тооцох вэ гэсэн сэдвээр докторын зэрэг хамгаалсан хүн, цагдаагийн албанд 20 орчим жил ажилласан хүн юм байна лээ. Ийм хандлагаас өөрчлөлт эхэлнэ. Монгол хүний эрхийг яаж хамгаалах, төрийн албанд шударга зарчмыг яаж мөрдүүлэх нь эндээс эхэлнэ” гэжээ.      

Мэргэжлийн боловсон хүчин мэргэжлийн томилгоогоор Монгол төрдөө зүтгэх цаг нь ирсэн” гэв.

О.Алтангэрэл хуульч мэргэжилтэй, АН-аас УИХ-ын нэгдүгээр тойрогт өрсөлдөн, 65925 санал авч, тойрогтоо тэргүүлсэн юм.

Төгссөн сургууль:
1988-1989 онд Өвөрхангай аймаг Уянга сумын арван жил
1989-1998 он д Өвөрхангай аймаг Арвайхээр хот 1-р сургууль
1998-2003 онд МУИС-ийн Хууль зүйн дээд сургууль

Ажилласан байдал:
2003-2006 онд ШШГЕГ-т Сургалтын офицер,
2006-2007 онд МӨХ-ны сургалтын дэд хорооны дарга,
2007-2008 онд “Иргэний эрх зүйн туслалцаа үзүүлэх, эвлэрүүлэн зуучлах төв”-ийн тэргүүн,
2009-2012 онд “Легал консалтинг” хуулийн фирмийн захирал
2012-2014 онд Хууль зүйн яамны Бодлогын хэрэгжилтийг зохицуулах газрын дарга
2013-2015 онд Шүүхийн ёс зүйн хорооны дарга