“Apple”-ийн хувьцааны ханш 7.9 хувиар унаад байна.

“Apple”-ийн олон улс дахь үйлдвэрүүд шинэ тарифын нөлөөнд өртөж ашгийн маржин нь буурч магадгүй гэж “Bloomerg Intelligence” тооцооллоо.

Тус компанийн хувьд БНХАУ дахь үйлдвэр нь нийлүүлэлтийн сүлжээний гол цөм нь байсаар ирсэн юм. Түүнчлэн Вьетнам, Энэтхэг, Малайз, Тайландад “MacBook”, “AirPods”, “iPad” зэрэг бүтээгдэхүүнээ үйлдвэрлэдэг. Харин АНУ-д үйлдвэрлэдэг цорын ганц “Apple”-ийн бүтээгдэхүүн бол 6999 ам.доллароос үнэ нь эхэлдэг “MacBook Pro” загвар юм.

Энэхүү бүтээгдэхүүн нь харьцангуй цөөн тоогоор гардаг. Өөрөөр хэлбэр “Apple” компани АНУ-д масс үйлдвэрлэл хийдэггүй. Тус компани бүтээгдэхүүнүүдийн үнээ нэмэх арга хэмжээ авбал тогтворгүй байгаа хэрэглэгчдийн итгэлд сөргөөр нөлөөлөх эрсдэлтэй гэж “Bloomberg Intelligence”-ийн шинжээч тодотгожээ.

Лхагва гарагт “Apple”-ийн хувьцааны ханш 7.9 хувиар унаад байна. Харин оны эхний улиралд  11 хувиар буураад байгаа юм.