Орчин цагийн үндэсний мөнгөн тэмдэгт “Төгрөг”-ийг гүйлгээнд гаргасны 100 жилийн ой тохиож энэ жил тохиож байна. Тус түүхэн тэмдэглэлт ойг угтаж, Монголбанкнаас олон арга хэмжээг хэрэгжүүлж байгаагийн нэг нь Ерөнхий боловсролын сургуулийн 9-12 болон 1-12 дугаар ангийн сурагчдын дунд эсээ бичлэг, гар зургийн уралдаан зохион байгуулав.

Уралдаанд ирүүлсэн бүтээлүүдийг 3 үе шаттайгаар, мэргэжлийн хүмүүсийн оролцоотойгоор шалгаруулсан бөгөөд сэдвийн илэрхийлэл, баримтаас ишилсэн байдал, уран бүтээлч шийдэл, өнгөний зохицол, хувийн онцлог, өвөрмөц байдал зэргийг харгалзаж үзэв.

Уг уралдааныг Монголбанкны төв болон орон нутаг дахь 17 хэлтэс, салбараар дамжуулан улс даяар зохион байгуулж, өнөөдөр буюу 6 дугаар сарын 2-ны өдөр тохиодог Банкны ажилтны өдрөөр шилдгээр шалгарсан сурагчдад шагнал гардууллаа. Уралдааны эсээ бичлэгийн төрөлд 300, гар зургийн уралдаанд 86 бүтээл ирүүлснээс дараах сурагчид шалгарлаа.

Эсээ уралдаан

Тусгай байр - Н.Номин-Эрдэнэ /УБ хот Нийслэлийн Ерөнхий Боловсролын 5 дугаар сургуулийн 12в ангийн сурагч /

Тусгай байр - Б.Тэргэлсаран /Өмнөговь аймаг Даланзадгад сумын ЕБ-ын 3 дугаар сургуулийн 12в ангийн сурагч

Гутгаар байр – Д.Доржий-Нямбуу /Орхон аймаг, Ерөнхий боловсролын 8 дугаар сургууль 10а анги/

Дэд байр - О.Халиунаа /Дорнод аймаг Хэрлэн сум 1 дүгээр сургууль 12г ангийн сурагч/ 

Тэргүүн байр - Г.Номин-Эрдэнэ /Говьсүмбэр аймаг Сүмбэр сум 1- р сургуулийн 11 в ангийн сурагч/ 

ЗУРГИЙН УРАЛДААН

Тусгай байр - Ө.Мишээл

Сургууль: Ерөнхий боловсролын “ШИЛДЭГ” сургууль

Анги: 3а анги

Тусгай байр - Б.Бат-Алдар

Сургууль: Өвөрхангай аймгийн Арвайхээр сумын Ерөнхий боловсролын 2 сургууль

Анги: 3д анги

Гутгаар байр - Б.Энхрийлэн

Сургууль: Хэний аймгийн Хэрлэн сум, Ерөнхий боловсролын 1 дүгээр сургууль

Анги: 2а анги

Дэд байр - Ч.Цэлмүүн

Сургууль: Дорнод аймгийн Хэрлэн сум, Ерөнхий боловсролын 8 дугаар сургууль

Анги: 4д анги

Тэргүүн байр - Б.Энх-Учрал

Сургууль: Дундговь аймгийн Гурвансайхан сумын ЕБС

Анги: 1а анги

Эдгээр уралдааныг сурагчдын дунд зохион байгуулснаар үндэсний “мөнгөн” тэмдэгт төгрөгөө дээдлэх, төгрөг нь улс эх орны тусгаар тогтнолын бэлэгдэл болохын хувьд түүний үүсэл, түүхийг танин мэдэхэд нь чухал ач холбогдолтой байв.