Бурхан багшийн их дүйчэн өдрийг тохиолдуулан хүүхэд багачууд болон өргөн олон түмэнд зориулсан “Мял Богд” хүүхэлдэйн жүжгийг өнөөдөр13:00 цагт Хүүхэлдэйн театрт үнэ өлбөргүй тоглоно.

Энэхүү соён гэгээрлийн үзвэрт эрхэм таныг үр хүүхдийн хамт хүрэлцэн ирэхийг урьж байна.

Мял богд (1052-1135) нь гайхалтай амьдралын замнал туулж тэр нь өнөөдрийг хүртэл бусдад даган дууриах итгэл найдвар төрүүлж байгаа юм. Энэтхэгийн эрдэмтэн багш нараас гайхамшигт арга технологи суралцаж ирсэн Марва багшийн анхлан тулгасан аймшигт сорилтыг даван байж дээрх арга болох "Наровын Зургаан Иог" хөтөлбөрт суралцсан байна.

Марва багш Мялыг өөрөө хянаж 6 жил хажуудаа байлгаж дахин дахин шалгасны эцэст бие даан хөтөлбөрөө үргэлжлүүлэх зөвшөөрлийг олгосон нь одоо бидний гайхан биширдэг Мял богдийн намтар бий болох эхлэл болсон юм.

Мял богд нь Хэбазар ядамын 15 системт бясалгалыг голлон өөрийн биеийн хүйсний бүлээн илчийг шат дараалалтайгаар ихэсгэн дасгалжуулж улмаар агааргүй ваакум орчин болон халуун хүйтэн ямар ч байдалд ер бусын тайван байж ухамсрыг биеэс салган сансар огторгуй хийгээд бодит ертөнцөд зэрэг орших чадварыг нээн эзэмшиж энэхүү технологийг бидэнд өвлүүлэн үлдээсэн юм.

"Бурхан багшийн их дүйчэн өдрийн баяр–2025"-ийн хүрээнд Гандантэгчэнлин хийдэд болох үйл явдлуудыг танилцуулж байна.