МАН-ын VI бага хурал болсон. Хурлаар АН-ыг хамтарсан Засгийн газраас гаргах нь зүйтэй гэж үзсэн тухай мэдэгдсэн. Одоо МАН-ын Удирдах зөвлөл хуралдаж, дараагийн Засгийн газрыг дангаараа бүрдүүлэх үү, хамтарсан байх уу гэдгийг шийдэн дараагийн Ерөнхий сайдыг нэрлэнэ.

Улмаар нийгэмд дараагийн Ерөнхий сайдын таамгууд хөвөрч байна. Үүнд Хотын дарга Х.Нямбаатарын нэр ч дурдагдав. 

Тэрбээр “Энэ ч, тэр ч Ерөнхий сайд болно гэж олон түмнийг төөрөгдүүлэхээ больчихмоор юм. Надад ямар ч тийм бодол санаа байхгүй. Нийслэлд эхлүүлсэн ажлынхаа үр дүнг харчих санаатай ажиллаж байна” гэх тайлбартайгаар дараах зургийг цахим хуудсандаа хуваалцжээ.