Монгол Улсын Ардын уран зохиолч, Хөдөлмөрийн баатар, Монголын нэрт яруу найрагч Дэндэвийн Пүрэвдорж таалал төгсжээ. Тэрбээр Монголын уран зохиол, утга зохиолын салбарт үнэлж баршгүй хувь нэмрийг оруулж, Монголын олон үеийн хүмүүсийн хүмүүжил, төлөвшилд үнэтэй хувь нэмэр оруулсан нэгэн билээ.

Түүний хийсэн, хөдөлмөрлөсөн бүхнийг төр засгаас үнэлэн энэ оны нэгдүгээр сарын 9-нд Монгол Улсын Хөдөлмөрийн баатар цол тэмдгээр шагнаад байсан юм.

Түүнийг хорвоогийн мөнх бусыг үзүүлсэнд Монгол Улсын Ерөнхийлөгч болон бусад албаны хүмүүс эмгэнэл илэрхийлэн, хүндэтгэл үзүүллээ.