-Засгийн газрын ээлжит бус хуралдаан өнөөдөр болж дараах асуудлыг хэлэлцэн шийдвэрлэжээ-

Монгол Улсын Үндсэн хууль, Ерөнхийлөгчийн тухай хууль, Засгийн газрын тухай хууль, Дипломат албаны тухай хуулийн заалтуудыг үндэслэн Монгол Улсаас ОХУ, БНХАУ, БНКазУ, БНБУ, БНЧУ, БНФУ, Канад Улс, ХБНГУ, Швейцарын Холбооны Улс, Шведийн Вант Улс, Кувейт Улсад суух Дипломат төлөөлөгчийн газрын тэргүүнийг томилох, дээрх орнуудад суугаа Дипломат төлөөлөгчийн газрын тэргүүнийг эргүүлэн татах тухай асуудлыг хэлэлцэв.

Үүнд:
•Монгол Улсаас Оросын Холбооны Улсад суух Онц бөгөөд Бүрэн эрхт Элчин сайдаар Долоонжингийн Идэвхтэнг томилуулах тухай болон Лувсандандарын Хангайг Монгол Улсаас Оросын Холбооны Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Бүгд Найрамдах Хятад Улсад суух Онц бөгөөд Бүрэн эрхт Элчин сайдаар Цэдэнжавын Сүхбаатарыг томилуулах тухай болон Галсангийн Батсүхийг Бүгд Найрамдах Хятад Ард Улсад суугаа Онц бөгөөд Бүрэн эрхт Элчин сайдын үүрэгт ажлаас эгүүлэн татах;

•Монгол Улсаас Бүгд Найрамдах Казакстан Улсад суух Онц бөгөөд Бүрэн эрхт Элчин сайдаар Хараавчийн Аюурзаныг томилуулах тухай болон Равдангийн Хатанбаатарыг Монгол Улсаас Бүгд Найрамдах Казакстан Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Бүгд Найрамдах Болгар Улсад суух Онц бөгөөд Бүрэн эрхт Элчин сайдаар Цэрэндоржийн Ганхуягийг томилуулах тухай болон Бадамдоржийн Батхишигийг Монгол Улсаас Бүгд Найрамдах Болгар Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Бүгд Найрамдах Чех Улсад суух Онц бөгөөд Бүрэн эрхт Элчин сайдаар Сүрэнгийн Цоггэрэлийг томилуулах тухай болон Очирын Энхтөрийг Монгол Улсаас Бүгд Найрамдах Чех Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Бүгд Найрамдах Франц Улсад суух Онц бөгөөд Бүрэн эрхт Элчин сайдаар Шүхэрийн Алтангэрэлийг томилуулах тухай болон Раднаабазарын Алтангэрэлийг Монгол Улсаас Бүгд Найрамдах Франц Улсад суугаа Онц бөгөөд бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Канад Улсад суух Онц бөгөөд Бүрэн эрхт Элчин сайдаар Түндэвдоржийн Залаа-Уулыг томилуулах тухай болон Дүгэржавын Готовыг Монгол Улсаас Канад Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Холбооны Бүгд Найрамдах Герман Улсад суух Онц бөгөөд бүрэн эрхт Элчин сайдаар Балдоржийн Даваадоржийг томилуулах тухай болон Түвдэндоржийн Галбаатарыг Монгол Улсаас Холбооны Бүгд Найрамдах Герман Улсад суугаа Онц бөгөөд Бүрэн эрхт Элчин сайдын үүрэгт ажлаас эргүүлэн татах;

•Монгол Улсаас Швейцарын Холбооны Улсад суух Онц бөгөөд Бүрэн эрхт Элчин сайд бөгөөд НҮБ-ын Женев дэх салбар, олон улсын бусад байгууллагын дэргэд суух Байнгын төлөөлөгчөөр Лувсанцэрэнгийн Оргилыг томилуулах тухай болон Данзанноровын Болдбаатарыг Монгол Улсаас Швейцарын Холбооны Улсад суугаа Онц бөгөөд Бүрэн эрхт Элчин сайд бөгөөд НҮБ-ын Женев дэх салбар, олон улсын бусад байгууллагын дэргэд суугаа Байнгын төлөөлөгчийн үүрэгт ажлаас эргүүлэн татах;

•Монгол Улсаас Шведийн Вант Улсад суух Онц бөгөөд Бүрэн эрхт Элчин сайдаар Балдангийн Энхмандахыг томилох;

•Монгол Улсаас Кувейт Улсад суух Онц бөгөөд Бүрэн эрхт Элчин сайдаар Кадырын Сайрааныг томилох тухай тус тус саналыг Монгол Улсын Ерөнхийлөгчид өргөн мэдүүлэхээр тогтов гэж Засгийн газрын ХМА-наас мэдээлэв.