Балба улсын нийслэлийн Катманду хотын олон улсын нисэх буудлын удирдлага бүх ажилтандаа халаасгүй өмд өгөхөөр шийдвэрлэжээ.  Ингэснээр нисэх буудлын захиргаа хахууль болон хууль бус хураамж авахтай тэмцэх бодолтой байна гэж Британийн радиогийн Би-Би-Си корпорац мэдээлсэн байна.

Хэрвээ хүнд халаас байхгүй бол нэхэж авсан мөнгөө нуухад хэцүү байх болно гэж нэг албан хаагч мэдэгджээ.

Катмандугийн нисэх буудлын талаар зорчигчид өч төчнөөн санал гомдол гаргасантай холбогдуулан энэ арга хэмжээг авсан байна.

Тус орны Иргэний агаарын тээврийн яамнаас тусгай шалгалт нууцаар явуулсны дараа шинэ загварын халаасгүй дүрэмт хувцас бий болгохоор шийдвэрлэжээ.

Я.Сүхбаатар