Бруклинын музейд занданшуулсан хүнд /муми / компьютерын томографи хийсэн рентгены эмч нар түүхчдийг гайхшруулсан байна. "Хатагтай Хор" буюу Пасебакхайенипет хэмээн нэрлэдэг мумигийн биеэс эрэгтэй хүний бэлэг эрхтэн илрүүлсэн аж.

"Энэ Муми нь эрэгтэй байсан нь тодорхой боллоо. Физилогийн хувьд бүх зүйл ойлгомжтой болсон. 1937 онд бид шарилын авсны зарим чимэглэл арилчихсан байсан учраас түүнийг эмэгтэй гэж үзэх болсон.
Ийм зүйл болно гэж ёстой зүүдэлсэнгүй. Энэ нээлт мумийн хүйсийг тодорхойлж байх хэрэгтэй гэдгийг санууллаа" гэж музейн египетийн урлаг судлалын хэлтсийн ахлах судлаач Эдвард Блейберг өгүүлжээ.

Гэтэл "North Shaore"их сургуулийн эмнэлэгийн дөрвөн муми скайнердсэн эмч нар "хатагтай Хор"-ын биед эрэгтэй хүний бэлэг эрхтэн бас хуухнаг байгааг гэнэт илрүүлжээ.

Тэд мумийн хоол боловсруулах эрхтэнд тээглэж үлдсэн чихрийн нишингийн 12-13 см урт шилбийг илрүүлсэн байна. "Өмнө нь хэзээ ч ийм зүйл үзээгүй. Энэхүү скайнерын тусламжтайгаар мумийн дотор юу байгаагаа харах боломжтой боллоо. Энэ техникийн ачаар өндөр чанарын дүрс авч байна" гэж Блейберг онцлон хэлжээ.

"Одоо бид скайнераар илэрсэн мэдээллийг судлан мумийн үхлийн шалтгаан, хүйсийг тодорхойлно.

Эмнэлгийн мэдээлэл нь яг амьд хүнийх шиг тодорхой байна" гэж компьютер томографийн тасгийн эрхлэгч Эмгед Макариу мэдэгджээ. "Бид мумийн нүүрний арьсны зургийг сэргээн засварласнаар тэднийг амьддаа ямархуу дүр төрхтэй байсныг харах болно" гэж рентгены эмч Жесс Чьюзид нэмж хэлсэн байна.