АНУ-ын конгресс тамхины хэрэглээг хязгаарлах, зохицуулах, өмнөхөөсөө илүү давуу эрхийг засгийн газарт олгосон шинэ хуулийг баталлаа. Энэ хуулийг саашаан хүлээн авч байгаа ерөнхийлөгч Барак Обама нэн даруй гарын үсэг зурж баталгаажуулах болно гэж хэлжээ. Сүүлийн үед тамхинаас гарахаар уйгагүй оролдож байгаа Барак Обама энэ шийдвэрийг талархан хүлээн авч байгаа Р аж. Сенатын хэсэг гишүүд энэ хуулийг батлуулахын тулд 10 гаруй жил шантаралгүй ажилласан уг хууль засгийн газар буюу Эрүүл мэндийн яамны дэргэдэх хүнсний асуудал эрхэлсэн агентлагт тамхины үйлдвэрлэл сурталчилгаатай холбоотой хяналт тавих эрхийг өгч байгаа, юм. Мөн тамхинд ямар орц орж байгааг шалгах, эрүүл мэндэд аюултай гэж үзсэн орцыг хориглох, хүүхэд болон залуучууд ирэхээр хэрэглэдэг чихэр зэрэг амттанг ихээр оруулахыг хориглох, сурталчилгаанд хязгаар тавих, тамхины хайрцаг дээр бичсэн зөөлөн гэсэн утгатай хүмүүсийг тайвшируулах үг үсгийг бичүүлэхгүй байх зэрэг олон зүйл багтаж байгаа юм.

АНУ-д жил бүр 400 гаруй мянган хүн тамхины хор уршгаас үүдсэн өвчнөөр нас барж байна. Хэдийгээр тамхины уушгины хорт хавдраар өвчлөх гол шалтгаан болдог гэсэн сэрэмжүүлэг аль 45 жилийн өмнө гарч байсан ч өнөөдөр 45 сая хүн тамхи хэрэглэдэг гэсэн тооцоо байна.

Түүгээр ч барахгүй өдөр бүр 3500 хүүхэд залуус тамхичдын эгнээг тэлдэг аж. Харин 1000 гаруй хүн тамхинаас болж амь насаа алдаж байгаа гэсэн судалгаа байна. Тиймээс тамхичдын тоог бууруулах, тамхитай холбоотой өвчинд жил бүр зарцуулж байгаа 100 тэрбум  ам.долларыг багасгах зорилгоор дээрх хуулийг гаргаж байгаа юм байна. Тамхи үйлдвэрлэж байгаа хувийн аж ахуйн нэгжүүдийн бизнест хөндлөнгөөс орсон хэрэг болно гэж шинэ хуулийг эсэргүүцэж байгаа хууль тогтоогчид ч байна. Мөн дэлхий дахинд хэдийнэ танил болсон "Marlboro" тамхийг үйлдвэрлэгч компани ч энэ хуулийг эсрэг байна.