Нийслэлийн Засаг дарга бөгөөд Улаанбаатар хотын захирагч 2009 оны 268 тоот захирамжаар Улаанбаатар хотын Баянзүрх дүүргийн нутаг дэвсгэрт 670 га газарт Үндэсний цэцэрлэгт хүрээлэнг байгуулахаар шийдвэрлэсэн.

Энэхүү цэцэрлэгт хүрээлэн нь үндэсний хэмжээний бүтээн байгуулалтын ажил тул аж ахуй нэгж, байгуулага, иргэдийн оролцоо, дэмжлэг нэн чухал. Иймд тус цэцэрлэгт хүрээлэнгийн онцлог шинж чанарыг харуулсан билэг тэмдэг болохуйц логог шалгаруулах уралдааныг нийт уран бүтээлчдийнхээ дунд зарлаж байна.

Материалыг 2009 оны 6 сарын 09-ний 18.00 цаг хүртэл Улаанбаатар хотын Захирагчийн ажлын алба, Хангарьд ордны 6 давхарт 601 тоот өрөөнд хүлээн авна. Бүтээлийг А4 хэмжээний цаасан дээр, тодорхой тайлбарын хамт буулгаж, холбоо барих утас хаяг, уран бүтээлчийн овог нэр байна. Мөн файл хэлбэрээр давхар хүлээлгэн өгнө.

Шалгаруулалтыг Улаанбаатар хотын захирагчийн ажлын албанаас томилогдсон "Үндэсний цэцэрлэгт хүрээлэн"-гийн үнэлгээний комисс хариуцан зохион байгуулна.

Шалгарч 1-р байр эзэлсэн бүтээлийг "Үндэсний цэцэрлэгт хүрээлэн"-гийн албан ёсны билэг тэмдэгээр зарлаж, өмчлөх эрхийг Улаанбаатар хотын Захирагчийн ажлын алба эзэмшинэ. Шалгарч нэгдүгээр байр эзэлсэн бүтээлд 500 мянган төгрөгийн шагнал олгоно.

Холбоо барих утас: 323674, 326468, 99114256