БГД-ийн 14-р хэсгийн хорооны нийт сонгогчдын 77,1 хувь нь 20.30 цагийн байдлаар саналаа өгөөд байна. Тусхэсгийн хорооны дарга Ж.Хүрэлцэцэгийн ярьснаар иргэд өөрсдийн хариуцлагагүйгээс болж сонгогчийн үнэмлэхээ авч, тулгалт хийлгээгүй атлаа хэсгийн хороодын ажилчдад уурлаж, бухимдах явдал ихээр гарч байгаа ажээ.

Ялангуяа согтуу хүмүүс ирж агсан тавих байдал цөөнгүй гарчээ. Тус хэсгийн хороонд сонгуулийн насны 3200 орчим сонгогч байдаг ч, 2300 нь сонгогчийн нэрсийн хавтгайд бичигджээ. Өөрөөр хэлбэл мянга орчим хүн сонгогчийн үнэмлэхээ аваагүйгээс санал өгөх боломжгүй болж байгаа юм.