Засгийн газрын ээлжит хуралдаан төрийн ордонд эхлэх гэж байна. Өнөөдрийн хуралдаанаар олон чухал асуудал хэлэлцэхээр төлөвлөжээ. Тухайлбал, УИХ-ын гишүүн Г.Занданшатар нарын санаачлан боловсруулсан  Валютын зохицуулалтын тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн төсөл, Төрийн албаны тухай хуульд өөрчлөлт оруулах тухай хуулийн төсөл, Бүтээгдэхүүн хуваах гэрээ батлах тухай,  Бүтээгдэхүүн хуваах гэрээнд гарын үсэг зурах эрх олгох тухай  зэрэг чухал асуудлуудыг хэлэлцэхээр төлөвлөгөөнд тусгасан байна.

Мөн бусад асуудалд:
- Үндэсний хороо байгуулах тухай
- Дипломат, албан паспортыг шинээр хэвлүүлэх зардлын тухай
- Жижиг, дунд үйлдвэрийн Үндэсний зөвлөлийн дүрэм болон Зөвлөлийн бүрэлдэхүүнийг батлах тухай
- “Халхын голын 1939 оны байлдааны ялалтын 70 жилийн ойн медаль бий болгох тухай” Улсын Их Хурлын тогтоолын төсөл
- Цэргийн баг оролцуулах тухай
- Нэмэлт санхүүжилтийн тухай
- Хөрөнгө гаргах тухай /хүүхэд амраах зардал/
- Төрийн өмчийг 2009-2012 онд хувьчлах үндсэн чиглэлийн тухай
- Бүх нийтийн үйлчилгээний үүргийн сан бүрдүүлэх, зарцуулах журмыг шинэчлэн батлах тухай
- Төрийн өмчит үйлдвэрийн газар байгуулах тухай
- Эмчилгээний зардал гаргах тухай
- Бизнесийн хяналтын шинэчлэл хийх төсөл, түүний удирдах зөвлөлийн бүрэлдэхүүний тухай
- Уур амьсгалын өөрчлөлтийн асуудлаархи Зүүн Хойд Азийн орнуудын Сайд нарын уулзалтыг зохион байгуулсан тухай
- Үндэсний зөвлөлийн бүрэлдэхүүнийг шинэчлэн батлах тухай
- Монгол-Канадын дугуй ширээний уулзалтын дүнгийн тухай
- Эрүүл мэндийн сайдын гадаад томилолтын дүнгийн тухай
- Батлан хамгаалахын сайдын гадаад томилолтын дүнгийн тухай
- Боловсрол, соёл, шинжлэх ухааны сайдын гадаад томилолтын дүнгийн тухай зэрэг асуудал хэлэлцэх юм байна.