Австралийн жүжигчин Хью Жекман энэ оны "Оскар"-ын шагнал гардуулах ажиллагааг хөтлөн мэргэжил нэгт нөхдөөсөө өндөр үнэлгээ авсан билээ. Мөн "People" сэтгүүлийн хамгийн дур булаам эрчүүдийн жагсаалтыг манлайлсан юм. Тэрбээр эхнэр Дебора Ли Фернессээс 13 дүү. Хоёр өргөмөл хүүхэдтэй. Хүү Оскарыг 2000, охин Ава Элиотыг 2005 онд өргөж авсан.

Түүнтэй "Австрали" кинонд тоглосных нь дараа ярилцжээ. Хью энэ кинонд нутаг нэгт жүжигчин Николь Кидмантай хамт тоглосон юм.

-Зураг авалт дууссаны дараа нуруунаас тань ачаа аваад хаячих шиг болсон байх?
-Тийм шүү. Өмнө нь хэзээ ч ингэж "зүтгэж" үзээгүй. Энэ бол миний шилдэг дүр. Мэдээж хэрэг, австрали хүн болохоор илүү хамаатай л даа. Энэ киноны түүх бол миний түүх. Миний газар нутаг шүү дээ.

-Никольтой хамтран тоглох таалагдсан уу?
-Хайр дурлалын хэсгүүд халуухан болсон А шүү. Азаар А Николийн нөхөр, манай эхнэрийн аль нь ч зураг «авалтын талбайд байгаагүй. (инээв)

-Таны нэр секс залуучуудын рейтингид байн байн дурьдагдах боллоо?
-Хачин юм. Би иймэрхүү рейтингийг тэнэг хэрэг гэж боддог байсан. Дэлхийн хамгийн халуухан залуу ч гэх шиг. Өөр санаа зовох юм байхгүй юм уу, хаашаа юм. Харин "People" сэтгүүл намайг энэ цолоор шагнахад миний эхнэр "Үгүй байлгүй дээ. Тэд тоглож байгаа байх" гэсэн. (инээв)

Эхнэр маань "Ингэхэд хэн шалгаруулдаг юм" гэсэн би хариуд нь "Сэтгүүлчид сууж байгаад л санал асуулга явуулдаг" гэхэд "Тэгвэл хэн ч түрүүлж болох юм байна" гэсэн. Дараа нь "Чи Брэд Питтээс илүү санал авсан гэж үү" хэмээн гайхахад надад таатай байсан шүү. Гэхдээ биеэ тоож, далавч ургаад байсан юмгүй.

-Та бүсгүйчүүдийн сэтгэлийг соронзон мэтл татдаг шүү дээ?
-Худлаа. Нэг удаа Францын сэтгүүлчид ярилцлага өгч байхдаа 3000 бүсгүйтэй унтсан гэж тоглоод хэлчихсэн юм. Хэзээ нь би амжих вэ дээ. Би чинь гэрлээд 12 жил болж байна. Эхнэртээ үнэнч байсан. Байх ч болно.

-Жүжигчин болохыг хүсдэг байсан уу?
-Үгүй. Би сүмийн гэгээнтэн болохыг хүсдэг байсан. Миний эцэг сүсэгтэй хүн байсан юм. Гэхдээ театр үргэлж миний анхаарлыг татдаг байлаа. Эцсийн эцэст би кино бизнест ажиллаж байна. Сүмээс дутахгүй гэдгийг ойлгосон.

-Та "Оскар"-ын шагнал гардуулах ёслол дээр үнэхээр гялалзаж байсан. Би бүр таныг үргэлж энэ наадмыг хөтлөөсэй гэж бодсон шүү?
-Баярлалаа. Гэхдээ надаас энэ бүхэн хамаарахгүй. Ирэх жил хөтөлж магадгүй. Үгүй ч байж магад. Ер нь бол надад 2-3 сарын өмнө л "Оскар" хөтлөхийг санал болгосон.

-Дажгүй байсан уу?
-Хөгжилтэй байсан. Гурван цаг 30 минут нэг л агшинд өнгөрсөн. Ер нь бол би хүмүүсийг хөгжөөх дуртай. Тайзан дээр чөлөөтэй байж чаддаг. Ганц хоёр арга хэмжээ хөтөлж байсан туршлага бий. Хэрвээ ийм туршлагагүй байсан бол хэцүү, аймшигтай байх байлаа. Киноны бүх ертөнц тэнд байсан шүү дээ. Мэрил Стрип гэхэд л эхний эгнээнд сууж байв. Ийм хүмүүсийг хөгжөөнө гэдэг нэр хүндийн хэрэг. Шагнал.

-Таныг Жеймс Бондод тоглох санал тавьсан гэж сонссон юм байна?
-Хараахан үгүй. Гэхдээ нэг 4 жүжигчин ийм саналаас татгалзахгүй. Одоохондоо Даниель Крейг Бонд хэвээр байх болов уу.