“Бишрэлт трейд” ХХК болон БНСАУ-ын “Dong-AST” компани есдүгээр сарын 5-ны өдөр албан ёсны хамтын ажиллагааны гэрээг байгууллаа. Гэрээг “Бишрэлт трейд” ХХК-ийн захирал Ариунболд, “Dong-AST” компаний олон улсын бизнес хариуцсан захирал Ин Соо Парк нар үзэглэв.

“Бишрэлт трейд” ХХК-ийн захирал Ариунболд:

-“Бишрэлт трейд” ХХК нь Монголын ууган худалдааны компаниудын нэг билээ. Бид 2015 оноос хойш “Bacchus” брэндийг Монголын зах зээлд амжилттай нэвтрүүлж “Dong-AST” компанитай хамтран ажиллаж эхэлсэн. Биднийг сонгон ажиллаж байгаад маш их баяртай байна. Бид энергийн ундааны зах зээл дээр тэргүүлэгч компани болохыг зорин ажиллаж байна.

“Dong-AST” компаний олон улсын бизнес хариуцсан захирал Ин Соо Парк:

-Монголын зах зээлд “Bacchus” брэндийг нэвтрүүлэн олонд таниулж чадсан “Бишрэлт трейд” ХХК-ийнхандаа баярлалаа.

Бид 1961 онд энергийн ундааг үйлдвэрлэж эхэлсэн бөгөөд 1967 оноос хойш “Dong-AST” компани эм ханган нийлүүлэгчдийн дунд тэргүүлэгч компани болж чадсан.

Бид та бүхнийг үргэлж чанартай найдвартай, эрүүл бүтээгдэхүүнээр хангах болно. Солонгосын номер нэг энергийн ундаа “Bacchus” нь монголчуудын хэрэглэх дуртай бүтээгдэхүүн болно гэдэгт итгэж байна.

“Бишрэлт трейд” нь шинэхэн хүнсний зах зээлд амжилттай үйл ажиллагаагаа явуулж тэр дундаа энергийн ундааны зах зээлд хамгийн өндөр хувийг тогтоож 2018 онд гайхалтай үр дүн үзүүлсэн.

МОНГОЛЫН ЗАХ ЗЭЭЛ ДЭЭР “DONG-AST” КОМПАНИЙН БҮТЭЭГДЭХҮҮНИЙГ ЗӨВХӨН БИШРЭЛТ ТРЕЙД ХХК ХУДАЛДАН БОРЛУУЛАХ ЭРХТЭЙ

“Бишрэлт трейд” компанийн борлуулалт хариуцсан ахлах менежер С.Болор-Эрдэнэ:

-Одоогоор хэдэн төрлийн бүтээгдэхүүн оруулж ирж байна вэ?

-Одоогийн байдлаар идэвхтэй оруулж ирж буй таван нэр төрлийн бүтээгдэхүүн байна. Дээрх бүтээгдэхүүнүүд Монголын зах зээл дээр орж ирээд найман жил болж байна. Цаашдаа нэр төрөл тогтмол өснө. Гэхдээ бид эцсийн хэрэглэгчдэд зориулсан чанартай бүтээгдэхүүнүүдийг сонгож борлуулна. 

-Шинээр нэмэгдсэн бүтээгдэхүүний талаар мэдээлэл өгнө үү.

-Энэ удаа “Bacchus D” энергийн ундаа болон “Honey lemon” гэх бүтээгдэхүүнийг шинээр оруулж ирж байна. Уг “Bacchus” нь D витамин агуулсан, эрүүл мэндэд тустай. “Honey lemon” нь зөгийн бал лемон витамин C агуулсан тул ходоодны үйл ажиллагааг дэмжих, шарталт тайлах давуу талтай.  

-“Dong-AST” компанийн бүтээгдэхүүн юугаараа онцлог вэ?

-Монголын зах зээл дээр олон төрлийн энергийн ундаа байдаг. Харин манай бүтээгдэхүүн бусдаас ориг гэдгээрээ ялгарна. “Dong-AST” компанийн энергийн ундааг ялгахын тулд лого, хаяг шошгыг сайн харах хэрэгтэй.

-Ямар газруудаар борлуулалт хийж байна вэ?

-Номин, E-mart, Оргил, Алтан жолоо зэрэг бүх сүлжээ дэлгүүрүүдээр бүтээгдэхүүнээ худалдаж байна. Улаанбаатар хотод бүртгэлтэй үйл ажиллагаа явуулж буй зургаан нэр, найман нэрийн бүх дэлгүүрүүдээр борлуулалт хийж байна.