MNBA 21 аймгийн үндэсний лигийн хоёр удаагийн дэд аварга Ховд Шонхорууд улирлын хоёр дахь тоглолтоо Баянхонгор Мазаалай багийн эсрэг хийлээ.

Хоёр багийн тоглолтын эхний үе тун ойролцоо өндөрлөсөн ч хоёрдугаар үед Шонхорууд бага зэрэг илүүрхсэн юм. Тоглолтын шийдвэрлэх хагаст Ховд Шонхорууд багаараа жигд сайн байснаар 102-75 харьцаатай улирлын эхний хожлоо авлаа.

Тус тоглолтод Ц.Отгонжаргал 19 оноо, 8 самбар, 10 оновчтой дамжуулалт өгч трипл дабл хийхэд хоёрхон оноо дутсан. Тэгвэл Шонхорууд багаас Г.Цэнгүүнбаяр, Э.Батжаргал, О.Доржзовд, Э.Дорж-Арилд нар 10-с дээш оноог багаараа гайхалтай байлаа. Мөн Э.Дөлгөөн ердөө найман оноо авсан ч 8 бөмбөг таслалт, 6 самбар, 6 оновчтой дамжуулалт өгч, олон талт тоглолт үзүүлжээ. Харин Мазаалай багаас Э.Ариунболд 17 оноогоор багаа тэргүүлсэн ч түүнээс хоёр л тоглогч 10-с дээш оноог авч чаджээ.

Улирлын эхний тоглолтдоо Мазаалайнууд хожигдсон бол Шонхорууд 1-1 гэсэн амжилттай боллоо гэж Монголын сагсан бөмбөгийн холбооноос мэдээллээ.