• “Монгол Улсын Ерөнхий сайд У.Хүрэлсүх ирэх зургаадугаар сарын сүүлчээр АНУ-д албан ёсны айлчлал хийх бөгөөд энэ үеэр Мянганы Сорилтын Сангийн хоёр дахь ээлжийн гэрээнд гарын үсэг зурна” гэж Гадаад Харилцааны сайд Д.Цогтбаатар өнөөдөр мэдэгдлээ.
• Канадын виз мэдүүлэхдээ хурууны хээгээ бүртгүүлдэг болно гэж ГХЯ-ын Консулын газраас мэдээллээ. 

• Голомт банкны Мэдээллийн технологийн хэсгээс IT-ийн чиглэлээр суралцаж байгаа оюутнуудад өөрийгөө нээх, хөгжүүлэх, бусдад таниулах, технологийн ямар арга барилыг түлхүү эзэмших, суралцах хугацаандаа юун дээр анхаарч, ажлын гараагаа хэрхэн эхлэх зэрэг зөвлөгөө мэдээллийг хүргэх зорилгоор "ДИЖИТАЛ МЭРГЭЖИЛТЭН 2k18" өдөрлөг зохион байгууллаа.
• Цэргийн хоёрдугаар зэргийн бэлтгэл үүрэгтэн, Цэргийн дүйцүүлэх албаны бэлтгэл сургалтыг Зэвсэгт хүчний 350-р ангийн материаллаг баазыг түшиглэн зохион байгууллаа.

• Баянхошуу, Сэлбэ дэд төвийн бүтээн байгуулалтын ажил эхэллээ.
• Монгол Улсын гавьяат жүжигчин Д.Алтанхуягийн үүсгэн байгуулсан Монголын балетын хөгжил сан тавдугаар сарын 28-ны өдрөөс зургаадугаар сарын 1-ний өдрүүдэд Монголд Олон улсын анхдугаар болон үндэсний хоёрдугаар балетын уралдаан зохион байгуулж байна.

• 100 айлын үйлдвэрүүдийг Налайх дүүрэгт нүүлгэн цогц үйлдвэр “IT PARK” нээх ажлыг эхлүүллээ.
• Сүүний болон махны хэвийн үхэр өсгөх, фермерийн аж ахуй байгуулахад дэмжинэ гэж ХХААХҮЯ-наас мэдээллээ.

• НҮБ-аас 2015 онд баталсан “Тогтвортой хөгжлийн зорилтууд”-ын дөрөв дэх зорилго болох “Чанартай боловсрол” зорилгын хэрэгжилт, явцыг хянах зорилготой “Монгол улсын боловсролын статистикийг боловсронгуй болгох нь” сургалт хоёр дахь жилдээ өнөөдөр эхэллээ.
• Улаанбаатар хот орчмын ногоон бүс буюу Тэрэлж, Хандгайт, Эмээлт, Богд уул гэсэн үндсэн дөрвөн чиглэлд хяналт шалгалт хийхэд 5 дүүргийн 17 сургуулийн 32 бүлгийн 800 гаруй сурагч амралт зугаалгаар явж байсан нь илэрсэн байна.

• Ш.Алтантуяаг хөнөөсөн хэргийг дахин шалгах ёстой гэж Малайзын Куала Лампур хотын хуульч мэдэгдлээ.
• Манай улс НӨАТ-ын буцаан олголтын системийг нэвтрүүлснээр анхны жил 4000 мод тайрсантай тэнцэх хэмжээний цаас зарцуулжээ. 

• Америкийн "History"  сувгийн "Alone"  реалити шоуны тав дахь улирлын зураг авалтыг Монголд хийсэн бөгөөд 10 оролцогч тус бүр ганцаараа Монголын зэрлэг байгаль, араатан амьтад, эрс тэс уур амьсгалд тэсч үлдэж, 500 мянган ам.долларын эзэн болохын төлөө тэмцэлдэх ажээ. 
• Биедээ хар тамхи нуун хилээр гаргах гэж байгаад баригдсан Г.Сарангэрэлд тавдугаар сарын 20-ны өдрөөс эхлэн нэг сарын хугацаагаар хорих таслан сэргийлэх арга хэмжээ авчээ.

• Ерөнхийлөгч Х.Баттулга Өвөрхангай аймгийн Хархорин сумын иргэдтэй уулзлаа. 
• ХХБанк 28 жилийн ойгоо тохиолдуулан 28 дунд сургуулийн номын санг тохижуулж, номоор баяжуулахаар болжээ.
• Аваргуудад хүндэтгэл үзүүлэх барилдаанд Н.Батсуурь арслан түрүүллээ.

Дэлхийд

• АНУ-ын тал Хойд Солонгост айлчлан, Доналд Трамп Ким Жон Уны уулзалтыг товлохоор бэлтгэж байна. 
• Африкийн цагаач Мамуду Гассама Парис хотын барилгын дөрвөн давхраас дүүжлэгдэж байсан хүүг аварч, баатар болжээ.