Шүүхийн ерөнхий зөвлөлөөс Хөгжлийн банкны гэх 80 хүн, дөрвөн хуулийн этгээд оролцсон хэргийн талаар өнөөдөр мэдээлэл хийлээ.

Хөгжлийн банкны шүүх хурал өнөөдөр /2023.05.29/ 31 дэх өдрөө хуралдаж байна. Хурал дөрөвдүгээр сарын 17-ны өдөр эхэлсэн бөгөөд нийт 215 оролцогчтой хэрэг юм.

506 хавтаст хэргээс одоогоор бичгийн нотлох баримт шинжлэн судлах шатандаа, 85 хувьтай байна. Есөн үе шаттай шүүх хурал одоогоор дөрөв дэх шатандаа явна.

Нотлох баримтыг шинжлэн судалсны дараа эд мөрийн баримтыг шинжлэн судална. Дараа нь шүүх яллах дүгнэлт үйлдэнэ.
Хэрэгт яллагдагчаар татагдсан бүх хүнд үг хэлэх, асуулт асуух боломж олгох учир шүүх хурал ямар хугацаанд үргэлжилж, хэзээ дуусахыг урьдчилан хэлэх боломжгүй. Шүүх хуралд Улсын яллагч 6 хүн, иргэдийн төлөөлөгч оролцож байгаа гэлээ.