Арван настай, ер бусын сонин хүүхэд Индонезийн Сулавеси арлын умард нутгийн Тилангобула тосгонд суудаг байна. Айлын энэ хоёр дахь хүүхдийн бие нь бараг тэр чигээрээ өтгөн үстэй, харин эрүү, хамар, хоёр чих нь  сармагчныхтай төстэй гэж Индонезийн Антара мэдээлжээ.

Септи гэдэг энэ хүүд хамрын нүх байхгүй, хоёр чихний нүх нь маш жижигхэн гэнэ. Гэвч  тэр бага сургуулийн хоёрдугаар ангид тун дажгүй сурдаг гэж  багш нар нь хэлсэн байна. Тэр дүрсгүйтнэ гэж байхгүй, тун бие даасан хүүхэд гэж ангийн багш нь ярьжээ. Гэхдээ жаал хүү  ангидаа бүгдээс хурдан гүйдэг байна. «Түүний тархины боломж болон  ойлгоц нэг ангийнхантайхаа адилхан. Зарим нь түүнийг хааяа хааяа шоолдог хэдий ч, хүүхдүүд түүнд сайн байдаг» гэж ангийн багш Элвин Адам хэлжээ.

Тэр ийм л нүүр амтай, хүзүүнээсээ аваад ахар сүүлээ хүртэл өтгөн үстэй төрсөн юм гэж Септийн эх ярьдаг байна.

Я.Сүхбаатар