Хар ямаатын Байгалийн нөөцийн газарт 2022 оны аравдугаар сарын 07-ноос энэ оны гуравдугаар сарын 15-ны хооронд байршуулсан автомат камерт Монгол орны Улаан номд орсон ховор амьтан болох Аргаль хонь (Ovis ammon) бүртгэгдлээ.

Байршуулсан камеруудын 52 хувьд нь зэрлэг амьтдын зураг байв. Нийт 12,950 гэрэл зураг, видео мэдээллийг ялган үзэхэд 90 гаруй хувийг нь ойн туруутан, үлдсэн нь бусад амьтад байна.