Үндэсний статистикийн хорооноос хүнсний гол нэрийн барааны үнийн дүнг хоёрдугаар сарын 24-ний байдлаар гаргажээ. Хүнсний гол нэрийн барааны үнийг дүнгээр нь өмнөх нэгдүгээр сарын дундаж үнэтэй харьцуулахад 3.4 хувиар, өмнөх долоо хоногтой харьцуулахад 3.0 хувиар тус тус өсчээ. Өнгөрсөн оны нэгдүгээр сарын дундаж үнэтэй харьцуулахад үхрийн ястай махны үнэ 9.7 хувь, хонины ястай мах 4.8 хувь, хонины цул махны үнэ 6.0 хувь, үхрийн цул  махны үнэ 2.3 хувиар тус тус өсч, адууны махны үнэ 0.4 хувиар буурсан байна. Харин өмнөх долоо хоногтой харьцуулахад үхрийн ястай махны үнэ 7.3 хувь, хонины ястай махны үнэ 6.3 хувь, хонины цул махны үнэ 11.8  хувь, үхрийн цул махны үнэ 3.0 хувиар тус тус өсч, адууны махны үнэ харьцангуй тогтвортой байв.  

Хоёрдугаар сарын 24-ны байдлаар нэг кг хонины ястай мах дунджаар 2856  төгрөг, үхрийн ястай мах 3313 төгрөг, адууны ястай мах 2300 төгрөг, хонины цул мах 2971 төгрөг, үхрийн цул мах 3675 төгрөгний үнэтэй байна.

Гурилын үнийг нэгдүгээр сарын дундаж үнэтэй харьцуулахад “Алтан тариа”  ХК -ийн савласан дээдийн дээд, дээд болон задгай дээд гурилын үнэ 0.4-1.7 хувь, задгай нэгдүгээр зэргийн гурилын үнэ 0.6 хувиар өсч, задгай хоёрдугаар зэргийн гурилын үнэ 1.3 хувиар буурчээ.  Мөн орос дээд болон нэгдүгээр зэргийн гурилын үнэ 0.6 хувиар тус тус буурсан бол хятад дээд гурилын үнэ харьцангуй тогтвортой байжээ.  Үнийн судалгаанд хамрагдаж байгаа бүх төрлийн гурилын үнэ хоёрдугаар сарын 24-ний байдлаар өмнөх долоо хоногийнхоос харьцангуй тогтвортой байна. Харин өнгөрсөн оны нэгдүгээр сарын дундаж үнэтэй харьцуулахад цагаан будааны үнэ 0.2 хувь өсч,  шар будааны үнэ 1.3 хувь буурчээ. 2009  оны хоёрдугаар сарын 24-ны байдлаар өмнөх долоо хоногийнхоос цагаан будаа,  шар будаа, элсэн чихрийн үнэ тогтвортой байлаа. 2008 оны  нэгдүгээр сарын дундаж үнэтэй харьцуулахад Монгол төмсний үнэ 0.3 хувь, Монгол луувангийн үнэ 0.4 хувь, байцааны үнэ 1.9 хувь, манжингийн үнэ 3.3 хувиар тус тус өсчээ.

С.Оюунтөгс