Улсын төсвийн хөрөнгө оруулалтаар Дархан-Уул аймагт хийж буй авто замын бүтээн байгуулалтын ажил эрчимтэй өрнөж байна. Дархан- Шарын гол чиглэлийн хатуу хучилттай 8.6 км авто замын цементээр бэхжүүлсэн суурь, бетон хучилтын ажил бүрэн дуусссанаар нийт ажлын гүйцэтгэл 85 хувьд хүрчээ. 

Одоо замын хөвөө хэвтээ, босоо тэмдэг, тэмдэглэгээг хийж байгаа юм. Ингэснээр, Дархан-Уул аймгийн бүх томоохон сум, суурингууд хатуу хучилттай замаар холбогдлоо хэмээн ЗТХЯ-наас мэдээлэв.