Нийслэлийн удирдах ажилтны шуурхай зөвлөгөөн болж байна. Зөвлөгөөний үеэр Замын хөдөлгөөний төлөвлөлт, зохицуулалт, инженерчлэлийн газрын дарга С.Энхтөр мэдээлэл хийлээ.

Улаанбаатар хотын түгжрэлээс үүдэж нэг жилд 238 тэрбум төгрөгийг автомашины яндангаар“урсгаж” үүнийгээ дагаад иргэдийн бүтээмж, цаг хугацааг хий дэмий үрэгдэж байна.

Манай улсад 604 мянга гаруй автомашин байгаагаас баруун талдаа хүрдтэй нь 65 хувийг эзэлдэг. Улаанбаатарт бүртгэлтэй машинуудын 75 хувь нь 10-аас дээш жилийн насжилттай байна. Хөдөлгөөнд оролцож байгаа нөхцөл байдлаас үзвэл хотын төв орчмоор түгжирдэг. Нийтийн тээвэр нь иргэдэд хүртээмжийн туйлын хангалтгүй 1 сая хүн амтай бол 1000 орчим байх ёстой хэмээх дэлхийн стандарт байдаг ч манайд 900 орчим байдаг. Нэмж 600 гаруй тээврийн хэрэгсэл шаардлагатай байна гэлээ.

Мөн "Манайд өдөрт 200-250 тээврийн хэрэгсэл импортоор орж ирж байна. Улаанбаатар хотын түгжрэлээс үүдэж нэг жилд 238 тэрбум төгрөгийг автомашины яндангаар“урсгаж” үүнийгээ дагаад иргэдийн бүтээмж, цаг хугацааг хий дэмий үрэгдэж байна. 

Богино хугацаанд дараах хэд хэдэн арга хэмжээг авахыг санал гаргаж байна.

• гудамж замын сүлжээг хөгжүүлэх,
• торлолын систем холбоос замуудыг нээх,
• замын хөдөлгөөний зохицуулалт, төлөвлөлтийн нэгдсэн систем,
• авто зогсоолын нэгдсэн систем,
• нийтийн тээврийг богино эргэлттэй болгох,
• уулзвар, гэрлэн дохионы  инженерчлэл хийх,
• 10 орчим нүхэн гарц хийх шаардлагатай байна
• албан байгууллагуудын цагийн уялдаа холбоо, зохицуулалтыг хийх, давхцалыг арилгах

Мөн 10 ба түүнээс дээш торгуультай жолооч нар хөдөлгөөнд оролцож байна. Нийт автомашины 50 хувь нь техникийн үзлэгт хамрагдсан байдаг. Централ таурын талбайд авто зогсоолын нэгдсэн системийг шинээр нэвтрүүлээд эхэлсэн. Жолооч урьдчилж зогсоолоо захиална, төлбөрөө цахимаар хийх бөгөөд цаашдаа хоёр дахин өсгөнө гэсэн төлөвлөгөөтэй байна" гэлээ.

Түүний танилцуулгын дараа Улаанбаатар хотын захирагч бөгөөд Нийслэлийн засаг дарга Д.Сумъяабазар "Хөдөө орон нутгаас Улаанбаатарт хичнээн хүн ирж таксинд явах нэртэйгээр "халтуур"-ын бизнес хийж байна вэ. Миний сонссоноор орон нутгийн 247 мянган  иргэн Улаанбаатарт ирж 35-45 хоногийн хугацаанд ажиллаж байгаад буцдаг гэсэн. Үүний ард  хулгай дээрэм, хүчирхийллийн гэмт хэрэг гарч, тэд татвар төлөхгүй, түгжрэлийг бодитоор бий болгож байна. Тэдний нарийн тоо надад хэрэгтэй байна, үүнд онцгой анхаарч, танилцуулга хийгээрэй. 

Тэдний тоог нарийн гаргаад, хот руу оруулахгүй байх хэрэгтэй шүү дээ. Бид өөрсдөө автомашин, түгжрэлээ яая даа гэж байхад тэд орж ирэн даац хэтрүүлж байна

Татвараа төлдөг, арга хэмжээнүүддээ оролцдог хотын иргэнд давуу байх боломж нь алдагдаж, тэд гудамжинд нус цэрээ хаян бие засаж хотын соёлыг үгүй хийж байгаа нь камерт бичигдсээр байна. Цаашлаад хотын даац хэтрээд байна. Тэдний тоог нарийн гаргаад, оруулахгүй байх хэрэгтэй шүү дээ. Бид өөрсдөө автомашин, түгжрэлээ яая даа гэж байхад тэд орж ирэн даац хэтрүүлнэ. Хулгай дээрэм, хүчирхийлэл, хүний амь нас хохирсон гээд эзэн холбогдогч нь илрэхгүй гэмт хэрэг их гарч байна. Ер нь түгжрэлийг хэдий хугацаанд ямар шат дараалалтайгаар шийдвэрлэх тодорхой зүйлс хэрэгтэй байна" хэмээлээ.