Парацетомолын найрлагад ордог ацетаминофен гэх бодис цусны хорт хавдар үүсгэдэг нь тогтоогджээ. Уг бодис аспирин болон бусад өвчин намдаах үйлчилгээтэй эм, бэлдмэлийн найрлагад ордог юм. Гэвч өмнө нь аспирин бүдүүн гэдэсний хорт хавдраар өвдөх магадлалыг бууруулдаг нь тогтоогдож байв.

Энэ талаар судлахад аспирины үзүүлэлт тун бага хэмжээтэй байснаас гадна хавдартай үед хэрэглэхэд цус алдах магадлалыг нэмдэг нь тогтоогдсон байна.

Сүүлийн арван жилийн турш парацетмол болон өвчин намдаах бусад төрлийн эм тогтмол хэрэглэсэн, гэвч хавдраар өвдөөгүй 65 мянган өндөр настны дунд дээрх судалгааг явуулжээ. Тэгэхэд тэдний цусан дахь хавдрын эс өвчин намдаах эм хэрэглэдэггүй бусдыгаа бодвол найман хувиар илүү байж.

Судалгааны багийн ахлагч "Найрлагад нь ацетаминофен орсон эмийг дөрвөн жилийн турш долоо хоногт дөрвөн удаа хэрэглэвэл хавдраар өвдөх магадлал хоёр дахин нэмэгддэг нь тогтоогдсон" гэжээ.

Мөн энэ төрлийн эм, бэлдмэл долоо хоногт нэг удаа хэрэглэдэг хүмүүс зүрхний шигдээс тусч нас барах магадлал 45 хувьтай нь батлагдсан байна.

Тиймээс судлаачид эмийн зохисгүй хэрэглээнээс татгалзаж шаардлагатай тохиолдолд бага тунгаар хол зайтай уухыг хүмүүст зөвлөсөн байна.

Ж.Баяр