XVII жарны "Үзэсгэлэн болгогч" хэмээх усан туулай жилийн сар шинийн баярт зориулсан Улс, аймгийн алдар цолтой 256 бөхийн барилдаан Монгол бөхийн өргөөнд үргэлжилж байна.

Барилдааны тавын давааны төгсгөлд улсын харцага Н.Золбоо улсын аварга С.Мөнхбатаар тав давлаа.

Улсын начин Д.Хүдэрбулга улсын арслан Ц.Содномдоржоор тав давлаа.

Шөвгийн найм буюу Зургаагийн даваа эхэллээ.

Улсын заан Б.Бат-Өлзий улсын харцага Н.Золбоогоор зургаа давж их шөвгийн дөрөвт шалгарлаа.

Улсын аварга О.Хангай улсын начин Д.Хүдэрбулгаар зургаа давж их шөвгийн дөрөвт шалгарлаа.

Улсын заан М.Лхагвагэрэл улсын харцага Б.Зоригтбаатараар зургаа давж их шөвгийн дөрөвт шалгарлаа.

Улсын даян аварга Н.Батсуурь аймгийн арслан Я.Бумбаяраар зургаа давж их шөвгийн дөрөвт шалгарлаа.

Их шөвгийн дөрөвт Улсын даян аварга Н.Батсуурь улсын аварга О.Хангайг амлаж авснаар заан М.Лхагвагэрэл, Б.Бат-Өлзий нар тунаж үлдлээ.

Улсын даян аварга Н.Батсуурь улсын аварга О.Хангайгаар долоо давж үзүүр түрүүнд үлдлээ.

Улсын заан Б.Бат-Өлзий улсын заан М.Лхагвагэрэлээр долоо давж үзүүр түрүүнд үлдлээ.

Улсын заан Б.Бат-Өлзий даян аварга Н.Батсууриар найм давж сар шинийн барилдаанд хоёр дахь удаа түрүүлээ. Тэрээр 2018 оны сар шинийн барилдаанд түрүүлж байв.