УБТЗ-ын Тээвэр зохион байгуулалтын албаны орлогч даргa С.Батдөлийн гэр, түүний хамаарал бүхий этгээдийн объектоос ДОЛООН ТЭРБУМ төгрөг бэлнээр, 3 тэрбум төгрөгийн үл хөдлөх хөрөнгийн гэрчилгээ хураан авчээ.

Цагдаагийн байгууллагаас түүний гэр болон хамаарал бүхий этгээдийн объектод нэгжлэг хийсэн байна. С.Батдөлийг 48 цагийн хугацаатай саатуулжээ. Түүнийг 2021 онд томилсон байна.

УБТЗ-ын дарга Х.Хэрлэн хилийн чанадад амарч байгаа юм байна. Тэрээр ирэх даваа гарагт ажилдаа орно гэв.

Ерөнхий сайд Л.Оюун-Эрдэнэ өчигдөр (2023.01.05) УИХ-ын чуулганы танхимд үг хэлэхдээ "Орлогоо нотолж чаддаггүй төрийн албан хаагчдыг ил болгоно. Ялангуяа газрын асуудлыг ил болгоно. БОАЖЯ-ны газар зардаг дарга нар болгоомжтой байгаарай. Би төмөр замын дарга нарт хандаж хэлэхэд тун удахгүй дараагийн дэлбэрэлт энэ салбарт болно. ББСБ-тай Монголбанкны газрын дарга нарыг ч зарлана" гэсэн юм.