Дэлхийн түүхэд зургаадугаар сарын 12-д болсон онцлох гурван үйл явдлыг танилцуулъя.

1898 оны зургаадугаар сарын 12. Филиппин улс Испаниас тусгаар тогтнов

Испани-Америкийн дайны үеэр Эмилио Агиналдогоор удирдуулсан Филиппиний босогчдын арми 1898 оны зургаадугаар сарын 12-д Филиппиний тусгаар тогтнолыг зарлажээ.

Испанийн ноёрхолд 300 жилийг өнгөрөөсөн Филиппин 1899 онд Бүгд найрамдах засаглал тогтоосон ч дахин Америкийн дайралтад өртөж тусгаар байдлаа алдсан юм.

Тэд дахин дөрвөн арван хүлээж 1946 онд тусгаар тогтнолоо сэргээсэн бөгөөд өнөөгийн Бүгд Найрамдах Филиппин Улс бий болсон.

1981 оны зургаадугаар сарын 12. Индиана Жонсын анхны анги гарав

Алдарт Индиана Жонс киноны анхны анги "Raiders of the Lost Ark" 1981 оны зургаадугаар сарын 12-д дэлгэцнээ гарчээ.

Кино зохиолыг "Оддын дайн"-ы зохиолыг бичсэн Жорж Лукас бичиж, Стивен Спилберг найруулсан бөгөөд гол дүрд нь Харрисон Форд тоглосон.

Эрдэнэсийн эрэлд гардаг олон киноноос зохиол, найруулгаараа онцгойрдог тус бүтээл Оскарын наадмаас таван шагнал хүртэж 1894, 1989, 2008 онд дахин гурван анги бүтээгдсэн.

2018 оны зургаадугаар сарын 12. Дональд Трамп, Ким Жон Ун нар уулзав

Умард Солонгосын удирдагч Ким Жон Ун болон АНУ-ын Ерөнхийлөгч Дональд Трамп нар 2018 оны зургаадугаар сарын 12-д дээд хэмжээний уулзалт хийсэн.

АНУ болон Умард Солонгосын удирдагчид уулзсан анхны тохиолдол энэ бөгөөд уулзалтын дараа Дональд Трамп Өмнөд Солонгостой хамтарсан цэргийн бэлтгэлийнхээ заримыг зогсоохоор болсон юм.

Хоёр тал хамтарсан мэдэгдэлд гарын үсэг зурж энх тайвныг эрхэмлэсэн шинэ харилцаа тогтоохоор болсон бөгөөд дээд түвшний албан тушаалтнуудын уулзалтыг үргэлжлүүлэхээр болжээ.